കൊച്ചി:മോട്ടോറോളയുടെ സ്‌റ്റൈലിഷ് പോപ്-അപ്പ് ക്യാമറ ഫോണ്‍ ഇന്ത്യന്‍ വിപണിയില്‍ എത്തുന്നു.ലെനോവോയുടെ ഉടമസ്ഥതയിലുള്ള സ്മാര്‍ട്ട്‌ഫോണ്‍ ബ്രാന്‍ഡായ മോട്ടോറോള, സ്‌റ്റൈലിഷ് ഫോണുകള്‍ വില്പനക്കെത്തിക്കുന്നതില്‍ മിടുക്കരാണ്.മാര്‍ച്ചില്‍ ഡിസ്‌പ്ലേ മടക്കാവുന്ന പ്രീമിയം സ്മാര്‍ട്ട് ഫോണ്‍ വിപണിയിൽ എത്തിയിരുന്നു.വണ്‍ ഫ്യൂഷന്‍ പ്ളസ് , വണ്‍ ഹൈപ്പര്‍ എന്നിങ്ങനെ രണ്ട് പോപ്-അപ്പ് ക്യാമറയുള്ള ഫോണുകളാണ് മോട്ടോറോളയുടെ ശ്രേണിയിലുള്ളത്.ഇതില്‍ അടുത്തിടെ യൂറോപ്യന്‍ വിപണിയിലെത്തിയ വണ്‍ ഫ്യൂഷന്‍ പ്ളസ് തന്നെയാണ് ഇന്ത്യയില്‍ ലോഞ്ച് ചെയ്യാന്‍ ഏറെ സാദ്ധ്യത.
ഏകദേശം Rs 25,400 രൂപയാണ് മോട്ടറോള വണ്‍ ഫ്യൂഷന്‍ പ്ളസിന് യൂറോപ്യന്‍ വിപണിയില്‍ വില. 2340x1080 പിക്സല്‍ റെസല്യൂഷനും എച്ച്ഡിആര്‍ 10 സപ്പോര്‍ട്ടുമുള്ള 6.5 ഇഞ്ച് ഫുള്‍ എച്ച്ഡി പ്ളസ് ടോട്ടല്‍ വിഷന്‍ ഡിസ്പ്ലേയാണ് ഹാന്‍ഡ്സെറ്റിന്. അഡ്രിനോ 618 ജിപിയുവിനൊപ്പം പ്രവര്‍ത്തിക്കുന്ന ഒക്ടാകോര്‍ സ്നാപ്ഡ്രാഗണ്‍ 730 പ്രോസസറാണ് മോട്ടറോള വണ്‍ ഫ്യൂഷന്‍ പ്ളസിന്റെ കരുത്ത്. 6 ജിബി റാമും 128 ജിബി സ്റ്റോറേജും കപ്പാസിറ്റിയുമുള്ള വണ്‍ ഫ്യൂഷന്‍ പ്ളസിന്റെ സ്റ്റോറേജ് മൈക്രോ എസ്ഡി കാര്‍ഡ് വഴി 1 ടിബി വരെ വര്‍ദ്ധിപ്പിക്കാം. ആന്‍ഡ്രോയിഡ് 10 ഓപ്പറേറ്റിംഗ് സിസ്റ്റത്തില്‍ പ്രവര്‍ത്തിക്കുന്ന വണ്‍ ഫ്യൂഷന്‍ പ്ളസിന് 15W ടര്‍ബോപവര്‍ ചാര്‍ജിംഗ് പിന്തുണയുള്ള 5000mAh ബാറ്ററി പായ്ക്ക് ആണ്. f/2.2 അപ്പര്‍ച്ചറുള്ള 16 മെഗാപിക്‌സല്‍ ലെന്‍സിനെ ഉള്‍ക്കൊള്ളുന്ന പോപ്പ്-അപ്പ് ക്യാമറയാണ് ഗ്ലാമര്‍ താരം.