ന്യൂഡൽഹി: ഇസ്ലാമാബാദിൽ കാണാതായ രണ്ട് ഇന്ത്യൻ ഹൈക്കമ്മിഷൻ ജീവനക്കാർ പാകിസ്ഥാൻ രഹസ്യാന്വേഷണ ഏജൻസിയായ ഐ.എസ്.ഐയുടെ കസ്റ്റഡിയിലെന്ന് റിപ്പോർട്ട്.

ഔദ്യോഗിക വൃത്തങ്ങളെ വൃത്തങ്ങളെ ഉദ്ധരിച്ച് എൻ.ഡി.ടി.വി.യാണ് ഇക്കാര്യം റിപ്പോർട്ട് ചെയ്തിട്ടുള്ളത്.

തിങ്കളാഴ്ച രാവിലെ എട്ടോടെയാണ് ഇരുവരെയും കാണാതായത്. ഇതുസംബന്ധിച്ച് പാകിസ്ഥാൻ സർക്കാരിന് ഇന്ത്യ പരാതി നൽകിയിരുന്നു. ചാരവൃത്തി ആരോപിച്ച് പാകിസ്ഥാൻ ഹൈക്കമ്മീഷനിലെ രണ്ട് ഉദ്യോഗസ്ഥരെ നേരത്തെ ന്യൂഡൽഹിയിൽ നിന്നും നാടുകടത്തിയിരുന്നു.

ഇതിനു പിന്നാലെയാണ് ഔദ്യോഗികാവശ്യത്തിനായി പുറപ്പെട്ട രണ്ട് ഉദ്യോഗസ്ഥരെ കാണാനില്ല എന്ന വിവരം പുറത്തു വരുന്നത്. ഇസ്ലാമാബാദിൽ കുറച്ച് ദിവസമായി ഇന്ത്യൻ നയതന്ത്ര ഉദ്യോഗസ്ഥരോട് ക്രൂരമായിട്ടാണ് പെരുമാറിയിരുന്നതെന്നും റിപ്പോർട്ടുകളുണ്ടായിരുന്നു. ഇതിനെതിരെ ഇന്ത്യ പ്രതിഷേധം രേഖപ്പെടുത്തിയിരുന്നു.