ഇൻഡോർ: കല്യാണ പന്തലിലേക്കുള്ള യാത്രയ്ക്കിടെ മാസ്ക് ധരിക്കാത്തതിനും സാമൂഹഅകലം പാലിക്കാത്തതിനും വരന് പിഴ ചുമത്തി ആരോഗ്യവകുപ്പ്. മദ്ധ്യപ്രദേശിലെ ഇൻഡോറിലാണ് സംഭവം.

12 പേർക്കൊപ്പം ഒരു വാഹനത്തിൽ വിവാഹ ചടങ്ങിന് പോവുകയായിരുന്ന ധർമേന്ദ്ര നിരാലെയ്ക്കാണ് 2,100 രൂപ പിഴ ചുമത്തിയത്. സാമൂഹ അകലം പാലിക്കാത്തതിന് 1,100 രൂപയും മാസ്‌ക് ധരിക്കാത്തതിന് 1,000 രൂപയുമാണ് പിഴയിട്ടത്.

കൊവിഡ്​ മഹാമാരിയുടെ പശ്ചാത്തലത്തിൽ ജനങ്ങൾ സാമൂഹ അകലം പാലിക്കുന്നുണ്ടോ എന്ന്​ പരിശോധിക്കാനായി​ നഗരത്തിലാകമാനം എല്ലാദിവസവും ആരോഗ്യ വകുപ്പ്​ പരിശോധന നടത്താറുണ്ട്. ഇത്തരമൊരു പെട്രോളിംഗിനിടെയാണ് വരനെയും സംഘത്തെയും കണ്ടത്.

"വിവാഹത്തിന് പ​ങ്കെടുക്കാൻ​ 12 പേരെ അനുവദിക്കുമെന്ന്​ അധികൃതർ അറിയിച്ചിരുന്നു. അവർ അത് അനുസരിച്ചു. എന്നാൽ 12 പേരും സാമൂഹഅകലം പോലും പാലിക്കാതെ വാഹനത്തിൽ അടുത്തടുത്ത്​ ഇരിക്കുകയായിരുന്നു. ആരും മാസ്​ക്​ ധരിച്ചിരുന്നില്ല. സംഭവസ്ഥലത്ത്​ വച്ച്​ തന്നെ ഞങ്ങൾ വര​​ന്റെ കയ്യിൽ നിന്ന്​ 2,100 രൂപ പിഴ വാങ്ങിച്ചു."- വിവേക് ​​ഗാംഗ്രേഡ് വ്യക്തമാക്കി.