വാഷിംഗ്ടൺ: പ്രസിഡന്റ് തിരഞ്ഞെടുപ്പ് അടുത്തിരിക്കെ ട്രംപിനെ വിടാതെ പുസ്തക വിവാദങ്ങൾ. അമേരിക്കയുടെ മുൻ ദേ​ശീ​യ സു​ര​ക്ഷാ ഉ​പ​ദേ​ശ​ക​ൻ ജോ​ൺ ബോ​ൾ​ട്ട​നാണ് പു​സ്​​ത​കം പ്ര​സി​ദ്ധീ​ക​രി​ക്കുന്നത്.

പ്രസിദ്ധീകരണ ന​ട​പ​ടി​ക​ളു​മാ​യി മു​ന്നോ​ട്ടു​ പോ​യാ​ൽ ജോൺ ​നി​യ​മ​ന​ട​പ​ടി നേ​രി​ടേ​ണ്ടി വ​രു​മെ​ന്ന്​ പ്ര​സി​ഡ​ന്റ്​ ഡോ​ണാ​ൾ​ഡ്​ ട്രം​പ് വ്യക്തമാക്കി. ഔ​ദ്യോ​ഗി​ക ര​ഹ​സ്യ​ങ്ങ​ൾ ഉ​ൾ​പ്പെ​ടെ​യു​ള്ള​വ പു​സ്​​ത​ക​ത്തി​​ലു​ണ്ടോ എ​ന്ന പ​രി​ശോ​ധ​ന പൂ​ർ​ത്തി​യാ​ക്കാ​തെ​യാ​ണ്​ പു​സ്​​ത​ക പ്ര​സി​ദ്ധീ​ക​ര​ണ​ത്തി​നൊ​രു​ങ്ങു​ന്ന​തെ​ന്ന്​ ട്രം​പ്​ കു​റ്റ​പ്പെ​ടു​ത്തി.

ഇ​ത് ​സം​ബ​ന്ധി​ച്ച്​ കേ​സ്​ ചാ​ർ​ജ്​ ചെ​യ്യേ​ണ്ട​തു​ണ്ടോ എ​ന്ന​കാ​ര്യം അ​റ്റോ​ണി ജ​ന​റ​ൽ വി​ല്യം ബ​ർ പ​രി​ശോ​ധി​ക്കു​മെ​ന്നും ട്രം​പ്​ അ​റി​യി​ച്ചു. അ​തേ​സ​മ​യം, ദേ​ശീ​യ സു​ര​ക്ഷ കൗ​ൺ​സി​ലി​ലെ ര​ഹ​സ്യ​വി​വ​രം സം​ബ​ന്ധി​ച്ച വി​ദ​ഗ്​​ദ്ധ​നു​മാ​യി മാ​സ​ങ്ങ​ൾ ചേ​ർ​ന്ന്​ പ്ര​വ​ർ​ത്തി​ച്ചാ​ണ്​ പു​സ്​​ത​കം പ്ര​സി​ദ്ധീ​ക​രി​ക്കു​ന്ന​തെ​ന്ന്​ ബോ​ൾ​ട്ട​​ന്റെ അ​ഭി​ഭാ​ഷ​ക​ൻ വ്യ​ക്ത​മാ​ക്കി. ട്രംപി​​ന്റെ വിദേശ നയങ്ങൾ, നിർണായക തീരുമാനങ്ങൾ എന്നിവ സംബന്ധിച്ച്​ വിലപ്പെട്ട വിവരങ്ങൾ പുസ്​തകത്തിലുണ്ടെന്നാണ്​ കരുതുന്നത്.

ഐക്യരാഷ്ട്രസഭയിലെ മുൻ അംബാസഡറായിരുന്ന ബോൾട്ടൺ 2018 ഏപ്രിൽ മുതൽ 2019 സെപ്റ്റംബർ വരെ ദേശീയ സുരക്ഷാ ഉപദേഷ്ടാവായിരുന്നു. ട്രംപിനെതിരായ ഇംപീച്ച്‌മെന്റ് നടപടികളിൽനിന്നും അദ്ദേഹം വിട്ടുനിന്നിരുന്നു. കഴിഞ്ഞദിവസം ട്രംപിന്റെ സഹോദരപുത്രി ട്രംപിനെക്കുറിച്ചും കുടുംബത്തെക്കുറിച്ചും പുസ്തകം പ്രസിദ്ധീകരിക്കുമെന്ന് പ്രഖ്യപിച്ചിരുന്നു.