വാഷിംഗ്ടൻ: എത്യോപയിലെ യു.എസ് അംബാസഡറായി ഇന്ത്യൻ അമേരിക്കൻ ഡിപ്ലോമറ്റ് ഗീതാ പാസിയെ ട്രംപ് നാമനിർദേശം ചെയ്തു. ഡിപ്പാർട്ട്‌മെന്റ് ഓഫ് സ്റ്റേറ്റ് ആഫ്രിക്കൻ അഫയേഴ്സ് പ്രിൻസിപ്പൽ ഡെപ്യൂട്ടി അസിസ്റ്റന്റ് സെക്രട്ടറിയാണ് സീനിയർ ഫോറിൻ സർവീസ് അംഗമായ ഗീത.
ഡൽഹി യു.എ എംബസിയിൽ പൊളിറ്റിക്കൽ ഓഫീസർ, പാകിസ്ഥാൻ, അഫ്ഗാനിസ്ഥാൻ, ബംഗ്ലാദേശ് ഡസ്‌ക്ക് ഓഫീസർ തുടങ്ങിയ നിരവധി തസ്തികകളിൽ ഗീതാ പ്രവർത്തിച്ചിട്ടുണ്ട്.
ഡ്യൂക്ക് യൂണിവേഴ്സിറ്റിയിൽ നിന്നും ബിരുദവും ന്യുയോർക്ക് യൂണിവേഴ്സിറ്റിയിൽ നിന്നും ബിരുദാനന്തര ബിരുദവും നേടിയ ഗീതയ്ക്ക് ഡിപ്പാർട്ട്‌മെന്റ് ഓഫ് സ്റ്റേറ്റ് ഫെർഫോമൻസ് അവാർഡുകളും ലഭിച്ചിട്ടുണ്ട്. ഫ്രഞ്ച്, ജർമ്മൻ, ഹിന്ദി, റൊമേനിയൻ, റഷ്യ തുടങ്ങിയ ഭാഷകളിൽ ഗീതയ്ക്ക് നല്ല പ്രാവിണ്യമുണ്ട്.
ന്യുയോർക്കിലാണ് ഗീത ജനിച്ചു വളർന്നത്. ഫോറിൻ സർവീസിൽ ചേരുന്നതിനു മുമ്പ് ന്യുയോർക്കിൽ ഇൻസ്റ്റിറ്റ്യൂഷണൽ ഫിനാൻഷ്യൽ മാർക്കറ്റ് റിസർച്ചറായിരുന്നു.