ന്യൂഡൽഹി : ഇന്ത്യയുടെ ഒരിഞ്ചുഭൂമി പോലും ആരുടെയും കൈയിലില്ലെന്നും ഇന്ത്യയുടെ മണ്ണ് ആർക്കും വിട്ടു കൊടുക്കില്ലെന്നും പ്രധാനമന്ത്രി നരേന്ദ്രമോദി. ഇന്ത്യാ-ചൈന പ്രശ്നം ചർച്ച ചെയ്യാൻ വിളിച്ചുചേർത്ത സർവകക്ഷിയോ​ഗത്തിലാണ് മോദി ഇക്കാര്യം പറഞ്ഞത്.

അതിർത്തിയിൽ ചൈന കടന്നുകയറിയിട്ടില്ല. നമ്മുടെ ഒരു സൈനിക പോസ്റ്റിൽ പോലും അവർ അധീശത്വം സ്ഥാപിച്ചിട്ടുമില്ല. ചൈനയ്ക്ക് ഇന്ത്യൻ സേന ശക്തമായ മറുപടി നല്കിയെന്നും മോദി വ്യക്തമാക്കി. അതിർത്തിയിൽ ചൈനീസ് കടന്നുകയറ്റം ഉണ്ടായോ എന്ന് സർക്കാർ വ്യക്തമാക്കണമെന്ന് കോൺ​ഗ്രസ് അദ്ധ്യക്ഷ സോണിയാ ​ഗാന്ധി നേരത്തെ യോഗത്തിൽ ആവശ്യപ്പെട്ടിരുന്നു. സേനകളെ യുദ്ധത്തിന് സജ്ജമാക്കാൻ സഹകരണത്തിന് തയ്യാറാണെന്നും അവർ പറഞ്ഞു. രഹസ്യാന്വേഷണ വീഴ്ചയില്ലെന്നും ചൈനീസ് കടന്നുകയറ്റം ഉണ്ടായിട്ടില്ലെന്നും പ്രതിരോധ മന്ത്രി രാജ്നാഥ് സിംഗ് പറഞ്ഞു.