മുംബയ്: കൊവിഡ് പോസിറ്റീവാണെന്ന് അറിയുമ്പോൾ രോഗികൾ മുങ്ങുന്നതായി റിപ്പോർട്ട്. മുംബയിൽ ഇതുവരെ 1000 രോഗികളെയാണ് കാണാതായത്. പരിശോധനാ കേന്ദ്രത്തിൽ കൃത്യമായ വിലാസം നൽകാത്തതാണ് രോഗികളെ കണ്ടെത്താൻ കഴിയാത്തതിനു കാരണമെന്ന് മുംബയ് കോർപറേഷൻ അധികൃതർ പറയുന്നു.

ഇ​വ​രെ ക​ണ്ടെ​ത്താ​ൻ ക​ഴി​ഞ്ഞി​ല്ലെ​ങ്കി​ൽ ഇ​തു​വ​രെ​യു​ള്ള കൊ​വി​ഡ്​ വ്യാ​പ​ന പ്ര​തി​രോ​ധ​പ്ര​വ​ർ​ത്ത​ന​ങ്ങ​ൾ വെ​റു​തെ​യാ​കു​മെ​ന്ന ആശ​ങ്ക​യി​ലാ​ണ്​ ന​ഗ​ര​സ​ഭ അ​ധി​കൃ​ത​ർ. കാ​ണാ​താ​യ​വ​ർ കൊ​വി​ഡ്​ ചി​കി​ത്സ​കേ​ന്ദ്ര​ങ്ങ​ളി​ൽ ഇ​ല്ലെ​ന്ന്​ അ​ധി​കൃ​ത​ർ പ​റ​ഞ്ഞു. ഇവരിൽ 60 ശത​മാ​ന​വും ചേ​രി​പ്ര​ദേ​ശ​ങ്ങ​ളി​ലെ മേ​ൽ​വി​ലാ​സം ന​ൽ​കി​യ​വ​രാ​ണ്.

രോ​ഗം ക​ണ്ടെ​ത്തി​യാ​ൽ ഒറ്റ​പ്പെ​ടു​മെ​ന്ന ഭീതിയിൽ ചി​ല​ർ തെ​റ്റാ​യ വി​ലാ​സ​വും ന​മ്പ​റു​ക​ളും ന​ൽ​കു​ന്നു. അ​ന്യസംസ്ഥാന തൊ​ഴി​ലാ​ളി​ക​ൾ കോ​ൺ​ട്രാ​ക്​​ട​ർ​മാ​രു​ടെ​യോ മ​റ്റോ ന​മ്പ​റു​ക​ളാ​ണ്​ ന​ൽ​കു​ന്ന​ത്. കാ​ണാ​താ​യ​വ​ർ ന​ൽ​കി​യ മൊ​ബൈ​ൽ ന​മ്പ​റു​ക​ൾ കൃ​ത്യ​മ​ല്ല. ഇതുസംബന്ധിച്ച് അധികൃതർ ന​ഗ​ര​സ​ഭ പൊ​ലീ​സി‍ന്റെ സ​ഹാ​യം തേ​ടിയിട്ടുണ്ട്.

അതേസമയം,​ മഹാരാഷ്ട്രയില്‍ കൊവിഡ് ബാധിതരുടെ എണ്ണം വർദ്ധിക്കുകയാണ്. 1,32,075 പേര്‍ക്കാണ് ഇതുവരെ രോഗം സ്ഥിരീകരിച്ചത്. 3,870 പുതിയ രോഗികള്‍ക്കാണ് ഇന്നലെ മാത്രം സംസ്ഥാനത്ത് രോഗം സ്ഥിരീകരിച്ചത്. ഇതില്‍ 101 പേര്‍ മരണപ്പെടുകയും ചെയ്തു. ഇതോടെ മഹാരാഷ്ട്രയില്‍ മരണം 6,085 ആയി ഉയര്‍ന്നു.