നെടുമങ്ങാട് : വീടിനോടു ചേർന്ന കടയുടെ സൈഡിൽ സൂക്ഷിച്ചിരുന്ന പൾസർ ബൈക്ക് ലോക്ക് പൊട്ടിച്ച് മോഷ്ടിച്ച കേസിൽ വെള്ളനാട് വാളിയറ തോവൻകോട് അശ്വതി ഭവനിൽ ബി.അശ്വിനെ (19) നെടുമങ്ങാട് പൊലീസ് അറസ്റ്റ് ചെയ്തു. കഴിഞ്ഞ ഫെബ്രുവരി 25 ന് രാത്രി 11 ഓടെ കരകുളം കെൽട്രോൺ ജംഗ്ഷനു സമീപത്ത് നിന്ന് സ്ഥലവാസിയായ രാഹുലിന്റെ ബൈക്കാണ് ഇയാൾ അപഹരിച്ചത്.വിവിധ സ്റ്റേഷനുകളിൽ ഇയാൾക്കെതിരെ വാഹനമോഷണ കേസുകളുണ്ട്. നെടുമങ്ങാട് സി.ഐ വി.രാജേഷ് കുമാറിന്റെ നേതൃത്വത്തിൽ എസ്.ഐ സുനിൽ ഗോപി, ജൂനിയർ എസ്.ഐ അനുരാജ്, എ.എസ്.ഐ വിജയൻ പൊലീസുകാരായ ബിജു, അനിൽകുമാർ, സനൽ രാജ്, രാജീവ് എന്നിവർ ചേർന്നാണ് പ്രതിയെ അറസ്റ്റു ചെയ്തത്. കോടതി പ്രതിയെ റിമാന്റ് ചെയ്തു.