നാടൻ വിഭവങ്ങൾ ഇഷ്ടമുള്ളവർക്കായി വ്യത്യസ്ഥമായൊരു ഞണ്ട് കറി തയ്യാറാക്കിയാലോ?

ആവശ്യമുള്ള ചേരുവകൾ

ഞണ്ട് - ഒരു കിലോ

സവാള - രണ്ട്

തക്കാളി - ഒന്ന്

പച്ചമുളക് - ഒന്ന്

ഇഞ്ചി വെളുത്തുള്ളി പേസ്റ്റ് - 4 സ്പൂൺ

മുളകുപൊടി - രണ്ട് സ്പൂൺ

മഞ്ഞൾപ്പൊടി - കാൽ സ്പൂൺ

മല്ലിപ്പൊടി - ഒരു സ്പൂൺ

മസാലപ്പൊടി - അര സ്പൂൺ

തേങ്ങാപ്പാൽ - ഒരു കപ്പ്

കുരുമുളകുപൊടി - അര സ്പൂൺ

ഉപ്പ് - ആവശ്യത്തിന്

തയ്യാറാക്കുന്ന വിധം

ഒരു ഇരുമ്പ് ചട്ടി ചൂടാക്കി വെളിച്ചെണ്ണ ഒഴിച്ച് അതിലേയ്ക്ക് സവാള,​ പച്ചമുളക് എന്നിവ ചേർത്ത്‌ വഴറ്റുക. അതിലേക്കു തക്കാളി അരിഞ്ഞതും,ഇഞ്ചി വെളുത്തുള്ളി പേസ്റ്റും ചേർത്ത് പച്ചമണം മാറുമ്പോൾ മുളകുപ്പൊടിയും മഞ്ഞൾപ്പൊടിയും മല്ലിപ്പൊടിയും മസാലപ്പൊടിയും ചേർക്കുക. വൃത്തിയാക്കിവെച്ചിരിക്കുന്ന ഞണ്ട് ഈ കൂട്ടിലേയ്ക്ക് ചേർക്കുക. ഇത് നന്നായി വഴറ്റിയ ശേഷം വെള്ളം ഒഴിച്ചു വേവിക്കുക, വെന്തുവരുമ്പോൾ തേങ്ങാപ്പാൽ കുരുമുളകുപൊടി എന്നിവ ചേർത്ത് നന്നായി തിളപ്പിക്കുക. വറ്റിച്ച ശേഷം ചൂടോടെ വിളമ്പാം. ചോറിനും കപ്പയ്ക്കും ഒപ്പം രുചികരമായ ഈ ഞണ്ടുകറി കഴിക്കാം.