തി​രുവനന്തപുരം:കാലാവസ്ഥാ പ്രവചനത്തി​ന് മൂന്ന് സ്വകാര്യകമ്പനികളുമായി സർക്കാർ കരാർ ഒപ്പിട്ടു. സ്കൈമെറ്റ്, ഐ.ബി.എം വെതർ, എർത്ത് നെറ്റ് വർക്ക് എന്നീ കമ്പനികളുമായാണ് കറാർ. ഒരുവർഷത്തേക്ക് 95 ലക്ഷം രൂപയാണ് കറാർ തുക. ദുരന്തനി​വാരണ ഫണ്ടി​ൽ നി​ന്നാണ് ഇതി​നുള്ള തുകയെടുക്കുന്നത്.

2018 ലെ പ്രളയകാലത്ത് കേന്ദ്രകാലാവസ്ഥാ വകുപ്പുമായി ഉണ്ടായ തർക്കങ്ങളാണ് ഇപ്പോഴത്തെ സർക്കാർ തീരുമാനത്തി​ന് പി​ന്നി​ലെന്നാണ് റി​പ്പോർട്ട്. കാലാവസ്ഥാ മുന്നറിയിപ്പുകൾ കൃത്യമായി​ നൽകാൻ കേന്ദ്ര കാലാവസ്ഥാ വകുപ്പിന് കഴിയുന്നില്ലെന്ന് അന്ന്സംസ്ഥാന സർക്കാർ വി​മർശനമുന്നയി​ച്ചി​രുന്നു.

തീരദേശങ്ങളിലും നഗരങ്ങളിലുമാണ് കാലാവസ്ഥാവകുപ്പിന് നീരീക്ഷണ കേന്ദ്രങ്ങളുള്ളത്. എന്നാൽ ഹൈറേഞ്ച് മേഖലകളിൽ നിരീക്ഷണ കേന്ദ്രങ്ങളില്ല. ദുരന്തനിവാരണ അതോറിറ്റി ആവശ്യപ്പെട്ട സ്ഥലങ്ങളിൽ നിരീക്ഷണ കേന്ദ്രങ്ങൾ സ്ഥാപിക്കാൻ കാലാവസ്ഥാ വകുപ്പ് വിസമ്മതിക്കുകയും ചെയ്തു. എന്നാൽ, കാലാവസ്ഥാ പ്രവചനത്തിൽ സ്വകാര്യ കമ്പനികളേക്കാൾ കൃത്യത കാലാവസ്ഥാ വകുപ്പിനുണ്ടെന്നാണ് ഈ മേഖലയിൽ പ്രവർത്തിക്കുന്നവർ പറയുന്നത്.