 കൊവിഡ് രോഗികളുമായി ആരോഗ്യപ്രവർത്തകർ ബന്ധപ്പെടുമ്പോഴുണ്ടാകുന്ന അണുബാധയിൽ നിന്ന് ശരീരത്തെ സംരക്ഷിക്കുന്നതിനുള്ള വ്യക്തിഗത സുരക്ഷാ വസ്ത്രം (Personal protective equipment)

 ശരീരം മുഴുവൻ മൂടുന്ന വസ്ത്രം, മുഖാവരണം (ഫേസ് ഷീൽഡ്), ഹെഡ്ക്യാപ്, നേത്രാവരണം (സേഫ്റ്റി ഗോഗിൾസ്), സർജിക്കൽ മാസ്‌ക്, കയ്യുറ, കാലുറ, സാനിറ്റൈസർ പൗച്ച് തുടങ്ങിയവയാണ് പ്രധാന ഭാഗങ്ങൾ

 ഒറ്റത്തവണമാത്രം ഉപയോഗിക്കുന്ന പി.പി.ഇ കിറ്റിലെ ഗൗണുകൾ പ്ളാസ്റ്റിക് ഫിലിമുകളോ, പോളിപ്രൊപ്പലീൻ, പോളിഎതിലീൻ തുടങ്ങിയ ഉപയോഗിച്ചാണ് നിർമ്മിക്കുക. പുനരുപയോഗിക്കാവുന്ന ഗൗണുകൾ പോളിസ്റ്റർ കൊണ്ടും. അവശ്യത്തിനനുസരിച്ച് ഇതിലെ ഘടകങ്ങളിൽ വ്യത്യാസമുണ്ടാകും.

 യൂറോപ്പിൽ പ്ളേഗ് പടർന്നുപിടിച്ച നാളുകൾ ആരോഗ്യ പ്രവർത്തകർ പി.പി.ഇ കിറ്റ് ഉപയോഗിച്ചിരുന്നതായി റിപ്പോർട്ടുണ്ട്. കട്ടിയുള്ള തുണികൊണ്ട് വസ്ത്രം നിർമ്മിച്ചശേഷം, നനയാതിരിക്കാനായി മെഴുക് പൂശിയിരുന്നു.
ഇതുവരെ പി.പി.ഇ കിറ്റ് നിർമ്മിച്ചിട്ടില്ലാത്ത ഇന്ത്യ ഇന്ന് പ്രതിദിനം 2.06 ലക്ഷം പി.പി.ഇ കിറ്റുകൾ ഉത്പാദിപ്പിക്കുന്നു. കഴിഞ്ഞമാസത്തെ കണക്കാണിത്.
 മാർച്ചിൽ​ ദിവസം 3300 പി.പി.ഇ കിറ്റുകൾ മാത്രമാണ്​ നിർമിച്ചിരുന്നത്​.

രാജ്യത്ത്​ 2.01 കോടി പി.പി.ഇ കിറ്റുകൾ വേണ്ടിവരുമെന്നാണ്​ കരുതുന്നത്​. അതിൽ 1.42 കോടിയും ഇന്ത്യയി​ൽ തന്നെ നിർമിക്കാനാകുമെന്നാണ്​ കരുതുന്നത്.