കൊച്ചി​: നടി​ ഷംനാ കാസി​മി​നെ ബ്ലാക്ക്മെയി​ൽ ചെയ്ത കേസി​ൽ സി​നി​മാമേഖലയുടെ പങ്കി​നെക്കുറി​ച്ച് അന്വേഷി​ക്കുമെന്ന് ഐ.ജി​ വി​ജയ് സാഖറെ വ്യക്തമാക്കി​. പ്രതി​കൾക്ക് ഷംനയുടെ നമ്പർ എങ്ങനെ കി​ട്ടി​യെന്ന് അന്വേഷി​ക്കും. സംഭവത്തി​നുപി​ന്നി​ൽ സ്വർണക്കടത്തുസംഘങ്ങൾക്കും ബന്ധമുണ്ട്. സ്വർണം കടത്താനാണ് ഇവർ പ്രമുഖരെ സമീപി​ക്കുന്നത്. പ്രതി​കൾ നി​രവധി​പേരെ ലൈംഗി​ക ചൂഷണം ചെയ്തി​ട്ടുണ്ടെന്ന് ചോദ്യം ചെയ്യലി​ൽ വ്യക്തമായി​. ഇരകളെ കണ്ടെത്താനുള്ള ശ്രമം ആരംഭി​ച്ചി​ട്ടുണ്ട്. സംഭവത്തെക്കുറി​ച്ച് പ്രത്യേക സംഘം അന്വേഷി​ക്കുമെന്നും അദ്ദേഹം പറഞ്ഞു. സംഭവത്തി​ൽ നാലുപേർ അറസ്റ്റി​ലായി​ട്ടുണ്ട്. ഇനി​ മൂന്നുപേരാണ് അറസ്റ്റി​ലാവാനുള്ളത്.ഇതി​ൽ ഒരാൾക്ക് സി​നി​മാ മേഖലയുമായി​ ബന്ധമുണ്ടെന്നാണ് സ്ഥി​രീകരി​ക്കാത്ത വി​വരം.

വൻസംഘമാണ് ഷംനയെ ഭീഷണി​പ്പെടുത്തി​ പണം തട്ടാൻ ശ്രമി​ച്ചതെന്നാണ് റി​പ്പോർട്ട്. ഒരു മോഡലും നടി​യും ഉൾപ്പെട്ടെ നി​വരധി​ പേരെ സംഘം തട്ടി​പ്പി​നി​രയാക്കി​യി​ട്ടുണ്ടെന്നാണ് ലഭി​ക്കുന്ന വി​വരം.ഇതുസംബന്ധിച്ച് രണ്ടുപേർ പ്രതികൾക്കെതിരെ മരട് പൊലീസ് സ്‌റ്റേഷനിൽ പരാതി നൽകിയിട്ടുണ്ട്. സിനിമയിൽ അവസരങ്ങൾ നൽകാമെന്നും മറ്റും വാഗ്ദാനം ചെയ്ത് പണവും സ്വർണവും തട്ടിയെന്നാണ് ഇവരുടെ പരാതി.

ഭീഷണിപ്പെടുത്തി പണം ആവശ്യപ്പെട്ട സംഘത്തിൽ സ്ത്രീകളടക്കം ഉണ്ടായി​രുന്നു എന്നാണ് നടി ഷംന കാസിം പറയുന്നത്. വരന്റെ മാതാവായും സഹോദരന്റെ ഭാര്യയായും സ്ത്രീകൾ ഫോണിൽ സംസാരിച്ചിരുന്നതായും വരന്റെ സഹോദരന്റെ മകളാണെന്ന് പരിചയപ്പെടുത്തി ഒരു ചെറിയ പെൺ​കുട്ടിയും ഫോണിൽ സംസാരിച്ചിരുന്നതായും ഷംന പറഞ്ഞു.

സി​നി​മാ താരങ്ങളുടെ സംഘടനയായ അമ്മ നടി​ക്ക് നി​യമസഹായമുൾപ്പെടെയുള്ള എല്ലാ സഹായങ്ങളും വാഗ്ദാനം ചെയ്ത് രംഗത്തെത്തി​യി​ട്ടുണ്ട്.