കൊല്ലം: അഞ്ചലി​ൽ ക്വാറന്റീനിൽ കഴിഞ്ഞിരുന്ന പ്രവാസി നിർദേശങ്ങൾ ലംഘിച്ച് ക്വാറന്റീൻ കേന്ദ്രത്തിൽ നിന്ന് പുറത്തിറങ്ങി. ലഗേജുമായി ഇയാൾ ബസ് സ്റ്റോപ്പിൽ എത്തുകയും ചെയ്തു.വീട്ടിൽ പോകാനാണ് ഇയാൾ ബസ്‌സ്റ്റോപ്പിൽ എത്തിയതെന്നാണ് റിപ്പോർട്ട്. ഇയാൾക്കെതിരെ ക്വാറന്റീൻ ലംഘിച്ചതിന് കേസെടുക്കും.

അതേസമയം ഇയാളെ ക്വാറന്റീൻ കേന്ദ്രത്തിൽ നിന്ന് പുറത്താക്കിയതാണെന്ന് ആരോപണം ഉയരുന്നുണ്ട്. എന്നാൽ പുറത്താക്കിയതല്ലെന്നും ഗൃഹനിരീക്ഷണത്തിന് പോകാനായി സ്വയം പുറത്തിറങ്ങുകയായിരുന്നു എന്നും ഇയാൾക്ക് വീട്ടിൽ ക്വാറന്റീനിൽ കഴിയാനുള്ള സൗകര്യമുണ്ടെന്നുമാണ് ആരോഗ്യവകുപ്പ് പറയുന്നത്.