കൊച്ചി: ഉപഭോക്താക്കൾക്ക് ഒട്ടേറെ ആകർഷക ആനുകൂല്യങ്ങളുമായി മാരുതി സുസുക്കി ലോയൽറ്റി റിവാർഡ്സ് പ്രോഗ്രാം അവതരിപ്പിച്ചു. അറീന,​ നെക്‌സ,​ ട്രൂവാല്യൂ ഔട്ട്‌ലെറ്റുകളിലെ പാസഞ്ചർ വാഹന ഉപഭോക്താക്കൾക്ക് പുതിയ കാർ വാങ്ങൽ,​ സർവീസ്,​ മാരുതി ഇൻഷ്വറൻസ്,​ ആക്‌സസറികൾ,​ കസ്‌റ്റമർ റഫറലുകൾ തുടങ്ങിയവയ്ക്ക് ആനുകൂല്യങ്ങൾ സ്വന്തമാക്കാം. മറ്ര് നിരവധി അനുബന്ധ ആനുകൂല്യങ്ങളും നേടാം.

മാരുതി സുസുക്കി റിവാർഡ്സ് വെബ്‌സൈറ്രിന്റെ സഹായത്തോടെ ഈ 'ഡിജിറ്റൽ" ആനുകൂല്യങ്ങൾ നേടാം. മാരുതി സുസുക്കിയുമൊത്തുള്ള ഓരോ ഇടപാടിനും റിവാർഡ് പോയിന്റിൽ വർദ്ധന ലഭിക്കും. വാഹനങ്ങളുടെ സർവീസ്,​ ആക്‌സസറികൾ,​ അസൽ പാർട്ടുകൾ,​ ദീർഘിപ്പിച്ച വാറന്റി,​ ഇൻഷ്വറൻസ്,​ ഡ്രൈവിംഗ് സ്‌കൂളുകളിൽ എൻറോൾ ചെയ്യൽ എന്നിവയ്ക്ക് ഈ റിവാർഡ് പോയിന്റുകൾ ഉപയോഗിക്കാമെന്ന് മാരുതി സുസുക്കി മാനേജിംഗ് ഡയറക്‌ടറും സി.ഇ.ഒയുമായ കെനിചി അയുകാവ പറഞ്ഞു.

മെമ്പർ,​ സിൽവർ,​ ഗോൾഡ്,​ പ്ലാറ്രിനം എന്നീ ശ്രേണികളിൽ ഉപഭോക്താക്കളെ തിരിച്ചാണ് പദ്ധതി നടപ്പാക്കുന്നത്. മാരുതി സുസുക്കി റിവാർഡിലേക്ക് എൻറോൾ ചെയ്യാൻ ഉപഭോക്താക്കൾ https://www.marutisuzuki.com അല്ലെങ്കിൽ https://www.nexaexperience.com/ സന്ദർശിച്ച് വിശദാംശങ്ങൾ നൽകണം.