കടലുകണ്ടാൽ പിന്നെ ചാടിക്കുളിച്ചേ മതിയാവൂ എന്ന് കരുതുന്ന ഒട്ടേറെ പേരുണ്ട്. അപകട സൂചന ബോർഡുകളൊന്നും അവർക്ക് ഒരു പ്രശ്നമേയല്ല. ഇതൊക്കെ എത്ര കണ്ടിരിക്കുന്നു എന്ന ഭാവത്തിൽ ഒറ്റച്ചാട്ടമാണ്. പലപ്പോഴും ഈ അതിസാഹസികത അപകടം വിളിച്ചുവരുത്താറുമുണ്ട്.

കഴിഞ്ഞ ദിവസം ട്വിറ്ററിൽ പ്രത്യക്ഷപ്പെട്ട വീഡിയോ ഇത്തരമൊരു അപകടത്തിന്റെ സൂചന നൽകുന്നു. നിരവധി പേര്‍ കടലിൽ കയാക്കിംഗ് നടത്തുന്നുണ്ട്. ഇത് പകർത്തുന്ന ഡ്രോൺ വീഡിയോയിൽ കയാക്കിംഗുകാർക്കൊപ്പം മറ്റൊരാൾക്കൂടി പ്രത്യക്ഷനായി. ഒരു ഭീമൻ വെള്ള സ്രാവ്. കടലിൽ നീന്തി നടക്കുന്ന സ്രാവിന്റെ ദൃശ്യങ്ങൾ ഡ്രോണിൽ തെളിഞ്ഞു. കയാക്കിംഗുകാർ സ്രാവിന് തൊട്ടടുത്തെത്തുന്നത് വീഡിയോയിൽ കാണാം. സ്രാവിനെ കണ്ടതുകൊണ്ടാവാം കയാക്കിംഗുകാർ അവിടെ വച്ച് തിരിച്ച് തുഴയുന്നതും ദൃശ്യങ്ങളിൽ വ്യക്തമാണ്. സൗത്ത് ആഫ്രിക്കയിലാണ് സംഭവം.

ഇതോടെ കടലിലേക്ക് പോകുന്ന വിനോദസഞ്ചാരികൾക്ക് മുന്നറിയിപ്പുമെത്തി. ഈ വീഡിയോ പങ്കുവച്ചുകൊണ്ടാണ്സീ റെസ്‌ക്യു സൗത്ത് ആഫ്രിക്ക ട്വിറ്ററിലൂടെ മുന്നറിയിപ്പ് നൽകിയത്. പ്ലെറ്റെൻബെർഗ് തീരം, മോസ്ൽതീരം, ജെഫ്രെ തീരം എന്നിവിടങ്ങളിലാണ് മുന്നറിയിപ്പ് നൽകിയിരിക്കുന്നത്.ഈ പ്രദേശങ്ങളിൽ നിരവധി വെള്ള സ്രാവുകളുണ്ടെന്നും മുന്നറിയിപ്പിൽ പറയുന്നു.

Due to a high number of reported White Shark sightings and close encounters, NSRI are appealing to the public exercise caution along the Southern Cape coastline, in particular around the coastline of Plettenberg Bay and between Mossel Bay and Jeffreys Bay.https://t.co/IKbxE3tNhh pic.twitter.com/3uI02FGgSc

— Sea Rescue South Africa (@NSRI) June 23, 2020