റാഞ്ചി: കൊവിഡ് രോഗികളുടെ എണ്ണം ദിനംപ്രതി വർദ്ധിച്ചുവരുന്ന സാഹചര്യത്തിൽ ജാർഖണ്ഡിൽ ലോക്ക് ഡൗൺ ജൂലായ് 31 വരെ നീട്ടി. സംസ്ഥാനത്ത് അവശ്യ സേവനങ്ങൾക്ക് മാത്രമാണ് ഇളവ് അനുവദിച്ചിരിക്കുന്നത്. രാത്രി ഒമ്പത് മുതൽ പുലർച്ചെ അഞ്ച് വരെ യാത്രാ നിയന്ത്രണങ്ങളും ഏർപ്പെടുത്തിയിട്ടുണ്ട്. ജാർഖണ്ഡിൽ ഇതുവരെ 2,262 പേർക്കാണ് കൊവിഡ് ബാധിച്ചത്. ഇതിന്റെ ഗൗരവം മനസിലാക്കി ജനങ്ങൾ സഹകരിക്കണമെന്ന് മുഖ്യമന്ത്രി ഹേമന്ത് സോറൻ ട്വിറ്ററിലൂടെ അഭ്യർത്ഥിച്ചു.