മുംബയ്: കൊവിഡ് ബാധിച്ച് മുംബയിൽ മലയാളി മരിച്ചു. ഗൊരേഗാവ് വെസ്റ്റിൽ താമസിക്കുന്ന പാലക്കാട് സ്വദേശിയായ സുബ്രഹ്മണ്യൻ (83) ആണ് മരിച്ചത്. രോഗം സ്ഥിരീകരിച്ചതിനെ തുടർന്ന് ചികിത്സയിലായിരുന്നു. ഇയാളുമായി അടുത്തിടപഴകിയവരെ നിരീക്ഷണത്തിലാക്കിയിട്ടുണ്ട്. ഇവരിൽ ആർക്കെങ്കിലും രോഗം ഉണ്ടോ എന്ന് വ്യക്തമല്ല.

അതിനിടെ പുതുച്ചേരിയിൽ മുഖ്യമന്ത്രിയുടെ ഓഫീസിലെ ജീവനക്കാരന് കൊവിഡ് സ്ഥിരീകരിച്ചു. ഈ പശ്ചാത്തലത്തിൽ മുഖ്യമന്ത്രി വി നാരായണസ്വാമി ഉൾപ്പടെയുള്ളവർക്ക് കൊവിഡ് പരിശോധന നടത്തും. ഓഫീസിലെ മറ്റാർക്കെങ്കിലും രോഗബാധ ഉണ്ടോ എന്ന് വ്യക്തമല്ല.