കുട്ടികൾക്ക് വളരെയേറെ ഇഷ്ടമുള്ളൊരു വിഭവമാണ് ന്യൂഡിൽസ്. രുചികരവും പോഷകസമ്പുഷ്ടവുമായൊരു ന്യൂഡിൽസ് സോസേജ് തയ്യാറാക്കിയാലോ?​

ന്യൂഡിൽസ് -രണ്ട്

ചിക്കൻ സോസേജ്- നാല്

സവാള - ഒന്ന്

വെജിറ്റബിൾ - ആവശ്യത്തിന് (കാപ്സിക്കം,​ കാരറ്റ്,​ സ്പ്രിങ്ങ് ഒണിയൻ)​

മഞ്ഞൾ പൊടി - കാൽ ടീസ്പൂൺ

മുളക് പൊടി - അര ടീസ്പൂൺ

കുരുമുളക് പൊടി - അര ടീസ്പൂൺ

ചിക്കൻ മസാല - ഒരു ടീസ്പൂൺ

വെജ് ഓയിൽ - രണ്ട് ടീസ്പൂൺ

തയ്യാറാക്കുന്ന വിധം

ന്യൂഡിൽസ് തിളപ്പിച്ച ശേഷം തണുത്ത വെള്ളത്തിൽ കഴുകി വെള്ളം അരിച്ച് മാറ്രുക. പാനിൽ എണ്ണ ചൂടാക്കി ചിക്കൻ സോസേജ് ഫ്രൈ ചെയ്തെടുക്കുക. ശേഷം സവാള, കാപ്സിക്കം,​ കാരറ്റ്,​ സ്പ്രിംഗ് ഒണിയൻ എന്നിവ വഴറ്റിയെടുക്കുക. ഇതിലേക്ക് മുളക് പൊടി,​ കുരുമുളക് പൊടി,​ ചിക്കൻ മസാല എന്നിവ ചേർക്കുക. ഇതിലേയ്ക്ക് നൂഡിൽസും സോസേജും ചേർത്ത് യോജിപ്പിച്ചെടുക്കുക. ചൂടോടെ സോസുകൾ ചേർത്ത് വിളമ്പാം.