കൊച്ചി: തുടർച്ചയായ ഇരുപത്തിയൊന്നാം ദിവസവും പൊതുമേഖലാ എണ്ണക്കമ്പനികൾ വില ഉയർത്തിയതോടെ,​ സംസ്ഥാനത്ത് പെട്രോൾ വില ലിറ്രറിന് 82 രൂപ കടന്നു. ഇന്നലെ തിരുവനന്തപുരത്ത് 25 പൈസ വർദ്ധിച്ച് 82.10 രൂപയായി. അതേസമയം,​ കഴിഞ്ഞ 20 ദിവസവും കൂടിക്കൊണ്ടിരുന്ന ഡീസൽ വില ഇന്നലെ കുറഞ്ഞു. 30 പൈസ കുറഞ്ഞ് 77.58 രൂപയായി. 21 ദിവസംകൊണ്ടു പെട്രോളിന് കൂടിയത് 9.11 രൂപയാണ്. 11.14 രൂപ കൂട്ടിയശേഷമാണ് ഡീസലിന് 30 പൈസ കുറച്ചത്.