തിരുവനന്തപുരം: കൊവിഡ് കാലത്തും രക്തദാനത്തിന്റെ മഹത്വവും പ്രസക്തിയും വിളിച്ചറിയിക്കുന്ന മഹാദാനം എന്ന ഡോക്യുമെന്ററി സോഷ്യൽ മീഡിയയിൽ ശ്രദ്ധയാകർഷിക്കുന്നു. ബ്ലെഡ് ഡോണേഴ്സ് കേരളയുടെ സഹകരണത്തോടെ നടൻ ശരൺ പുതുമനയും സുഹൃത്തുക്കളും ചേർന്നൊരുക്കിയതാണ് ഡോക്യുമെന്ററി. 12 മിനിട്ടോളം ദൈർഘ്യമുള്ള ഹൃസ്വ ചിത്രം നടൻ മോഹൻലാലാണ് ഫേസ്ബുക്ക് പേജിലൂടെ പുറത്തുവിട്ടത്. ഇതിനകം നിരവധിപേർ മഹാദാനം കണ്ടുകഴിഞ്ഞു.

കൊവിഡ് കാലത്തെ രക്തദാനത്തിനുള്ള ബുദ്ധിമുട്ടുകൾ പരിഹരിക്കുന്നതിനും ഡോക്യുമന്ററി ഉപകരിക്കുമെന്നാണ് അണിയറപ്രവർത്തകരുടെ പ്രതീക്ഷ.ചിത്രത്തിന്റെ ആശയവും സംവിധാനവും നിർവഹിച്ചിരുക്കുന്നത് ശരൺ പുതുമന തന്നെയാണ്.

ഛായാഗ്രഹണം ആദർശ് ശശികുമാർ, റാണി ശരൺ, മഹിൻ മാധവ് എന്നിവരും എഡിറ്റിംഗ് പ്രവീൺപ്രഭാകറും നിർവഹിച്ചിരിക്കുന്നു.റിത്വിക്ക്. എസ്. ചന്ദ് സംഗീതവും ഗ്രാഫിക്സ് ദീപക് തിച്ചൂരും. മധു വാരിയർ, രാജഗോപാൽ മൂത്തേടത്ത്, റാണി ശരൺ രാഖി മധു, സഞ്ജുപ്രഭാകർ, ദിപുൽമാർത്തോ,അനീഷ് പോത്തെൻ കോട്, മീര മാധവ്,ജയശ്രീ എന്നിവരാണ് കഥാപാത്രങ്ങളാകുന്നത്.