ന്യൂ​ഡ​ൽ​ഹി: പ്ര​വാ​സി​ക​ളെ നാ​ട്ടി​ൽ തിരിച്ചെത്തിക്കാനുള്ള വ​ന്ദേ​ഭാ​ര​ത് മി​ഷ​ൻ നാ​ലാം ഘ​ട്ടം ജൂ​ലൈ ഒ​ന്നി​ന് ആ​രം​ഭി​ക്കു​മെ​ന്ന് കേ​ന്ദ്ര സ​ർ​ക്കാ​ർ അറിയിച്ചു. അടുത്ത മാസം ഒ​ന്നാം തീ​യ​തി മു​ത​ൽ 14-ാം തീ​യ​തി വ​രെ​യു​ള്ള വി​മാ​ന​ങ്ങ​ളു​ടെ പ​ട്ടി​ക​യാ​ണ് കേ​ന്ദ്ര വ്യോ​മ​യാ​ന മ​ന്ത്രാ​ല​യം ഇ​ന്ന് പു​റ​ത്തി​റ​ക്കി​യ​ത്. പല രാ​ജ്യ​ങ്ങ​ളി​ൽ നി​ന്നുമായി കേ​ര​ള​ത്തി​ലേ​ക്ക് 94 വി​മാ​ന​ങ്ങ​ളാകും സ​ർ​വീ​സ് ന​ട​ത്തുക.

യു​.എ.​ഇ, ബ​ഹ്റൈ​ൻ എ​ന്നി​വി​ട​ങ്ങ​ളി​ൽ നി​ന്നു 39 വി​മാ​ന​ങ്ങ​ൾ വീ​ത​വും ഒ​മാ​നി​ൽ നി​ന്നു 13ഉം ​മ​ലേ​ഷ്യ​യി​ൽ നി​ന്ന് ര​ണ്ടും സിം​ഗ​പൂ​രി​ൽ നി​ന്ന് ഒ​രു വി​മാ​ന​വും സ​ർ​വീ​സ് ന​ട​ത്താ​ൻ തീരുമാനിച്ചിട്ടുണ്ട്. കേ​ര​ള​ത്തി​ലെ നാ​ലു വി​മാ​ന​ത്താ​വ​ള​ങ്ങ​ളി​ലേ​ക്കാണ് വിമാനങ്ങൾ സർവീസ് നടത്തുക.

ഒ​ന്നാം തീ​യ​തി ബ​ഹ്റൈ​ൻ, ഒ​മാ​ൻ, യു.എ​.ഇ എ​ന്നീ ഗൾഫ് രാജ്യങ്ങളിൽ നിന്നും വി​മാ​ന​ങ്ങ​ൾ പു​റ​പ്പെ​ടും. 177 യാ​ത്ര​ക്കാ​ർ വീ​ത​മാ​യി​രി​ക്കും ഈ ​വി​മാ​ന​ങ്ങ​ളി​ൽ വ​രു​ന്ന​ത്. നാ​ട്ടി​ലേ​ക്കു മ​ട​ങ്ങു​ന്ന​തി​നാ​യി ര​ജി​സ്റ്റ​ർ ചെ​യ്ത പ്ര​വാ​സി​ക​ളു​ടെ എ​ണ്ണം നോ​ക്കി​യാ​ണ് വി​വി​ധ രാ​ജ്യ​ങ്ങ​ളി​ൽ നി​ന്നു വി​മാ​ന സ​ർ​വീ​സു​ക​ൾ ഷെ​ഡ്യൂ​ൾ ചെ​യ്തി​രി​ക്കു​ന്ന​തെ​ന്ന് വി​ദേ​ശ​കാ​ര്യ മ​ന്ത്രാ​ല​യം വ​ക്താ​വായ അ​നു​രാ​ഗ് ശ്രീ​വാ​സ്ത​വ വ്യക്തമാക്കി.