കൊച്ചി:ലോക സിനിമയുടെ ചരിത്രത്തില്‍ ആദ്യമായി ഒരു റോബോട്ട് സിനിമയില്‍ അഭിനയിക്കുന്നു.അതും നായികയായി.ജപ്പാന്‍ ശാസ്ത്രജ്ഞര്‍ നിര്‍മ്മിച്ച റോബോട്ട് എറിക്കയാണ് സയന്‍സ് ഫിക്ഷന്‍ സിനിമയില്‍ വേഷമിടുന്നത്.ചിത്രത്തിലും റോബോട്ടായി തന്നെയാണ് എറിക്ക അഭിനയിക്കുന്നത്. 'ബി' എന്നാണ് സിനിമയ്ക്ക് പേരിട്ടിരിക്കുന്നത്. 2019ലാണ് ജപ്പാനില്‍ സിനിമയുടെ ചിത്രീകരണം ആരംഭിച്ചത്.
ഈ വര്‍ഷം ചിത്രത്തിന്റെ ബാക്കി ഭാഗങ്ങള്‍ ചിത്രീകരിക്കും.ജാപ്പനീസ് ശാസ്ത്രജ്ഞരായ ഹിരോഷി ഇഷിഗുറോയും കൊഹെ ഒഗാവയും ചേര്‍ന്നാണ് റോബോട്ടിനെ സൃഷ്ടിച്ചത്. കൃത്രിമ ഇന്റലിജന്‍സ് പ്രോഗ്രാമിലൂടെയാണ് റോബോട്ട് സിനിമയില്‍ അഭിനയിക്കുന്നത്.2021 അവസാനത്തില്‍ ചിത്രം പുറത്തിറങ്ങുമെന്നാണ് സൂചന.ഒരു ശാസ്ത്രജ്ഞനാണ് ചിത്രത്തിലെ നായകന്‍.മനുഷ്യന്റെ ഡിഎന്‍എയെ മികവുറ്റതാക്കാന്‍ ഒരു പ്രോഗ്രാം ഈ ശാസ്ത്രജ്ഞന്‍ കണ്ടെത്തുന്നു. പക്ഷേ അതുമായി ബന്ധപ്പെട്ട് നിരവധി അപകടങ്ങള്‍ അയാള്‍ക്ക് സംഭവിക്കുന്നു.
അതിനെ മറികടക്കാന്‍ ശാസ്ത്രജ്ഞനെ സഹായിക്കുന്ന റോബോട്ടായാണ് എറിക്ക അഭിനയിക്കുന്നത്.