ചെൽസി Vs മാഞ്ചസ്റ്റർ യുണൈറ്റഡ്

ആഴ്സനൽ Vs മാഞ്ചസ്റ്റർ സിറ്റി

ലണ്ടൻ : എഫ്​.എ കപ്പ്​ ഫുട്​ബാൾ ടൂർണമെന്റിന്റെ സെമിഫൈനലിൽ ഇക്കുറി പോരാട്ടം കടുക്കും. മാഞ്ചസ്​റ്റർ യുണൈറ്റഡിന്​ പിന്നാലെ മാഞ്ചസ്​റ്റർ സിറ്റി, ചെൽസി, ആഴ്​സനൽ എന്നീ ടീമുകൾ കൂടി സെമി ബെർത്തുകൾ സ്വന്തമാക്കിയതോടെയാണ് കിരീടപ്പോരാട്ടം കടുത്തത്. സെമിയിൽ ചെൽസി മാഞ്ചസ്റ്റർ യുണൈറ്റഡിനെയും ആഴ്സനൽ മാഞ്ചസ്റ്റർ സിറ്റിയെയും നേരിടും.

ഇംഗ്ലീഷ്​ പ്രീമിയർ ലീഗ്​ കിരീടം ലിവർപൂളിന്​ മുന്നിൽ അടിയറ വെച്ച ശേഷം ക്വാർട്ടറിനിറങ്ങിയ സിറ്റി എഫ്.എ കപ്പ് ക്വാർാറിൽ 2-0ത്തിന്​ ന്യൂകാസിലിനെ തോൽപിച്ചു. ന്യൂകാസിലിന്റെ തട്ടകത്തിൽ നടന്ന മത്സരത്തി​ൽ ഇരുപകുതികളിലുമായി കെവിൻ ഡിബ്രൂയിനും (37​-ാം മിനിട്ട്) റഹീം സ്​റ്റെർലിംഗുമാണ്​ (68) സിറ്റിക്കായി സ്​കോർ ചെയ്​തത്​. പെനാൽറ്റിയിലൂടെയായിരുന്നു ഡിബ്രൂയി​ന്റെ ഗോൾ. ഫിൽ ഫോഡ​ന്റെ പാസിൽ നിന്നായിരുന്നു സ്​റ്റെർലിംഗിന്റെ ഗോൾ. അടുത്ത മാസം വെംബ്ലി സ്​റ്റേഡിയത്തിൽ നടക്കുന്ന സെമിയിൽ സിറ്റി ആഴ്​സനലിനെ നേരിടും. ഇൻജുറി ടൈമിൽ ഷെഫീൽഡ്​ യുനൈറ്റഡിനെ 1-0 ത്തിന് മറികടന്നാണ്​ ആഴ്​സനൽ സെമിയിൽ കടന്നത്​

ഒറോസ്​ ബാർക്​ലിയുടെ ഗോളിൽ ലെസ്​റ്റർ സിറ്റിയെ 1-0ത്തിന്​ തോൽപിച്ചാണ്​ ചെൽസി മാഞ്ചസ്റ്റർ യുണൈറ്റഡുമായുള്ള അങ്കം കുറിച്ചത്​.ക്വാർട്ടറിൽ മാഞ്ചസ്റ്റർ യുണൈറ്റഡ് 2-1ന് നോർവിച്ച് സിറ്റിയെയാണ് കീടടക്കിയത്.