ന്യൂഡൽഹി: ഇന്ത്യ-ചൈന അതിർത്തി സംഘർഷത്തിൽ ബി.ജെ.പിയെ പിന്തുണച്ച് ബി.എസ്.പി അദ്ധ്യക്ഷ മായാവതി.കോൺഗ്രസിന്റെ ആരോപണങ്ങൾ രാജ്യതാത്പര്യത്തിന് വിരുദ്ധമാണെന്നും ബി.ജെ.പിയും കോൺഗ്രസും പരസ്പരമുന്നയിക്കുന്ന ആരോപണങ്ങൾ ആശങ്കാജനകമാണെന്നും അവർ പറഞ്ഞു. ചൈനയ്ക്ക് ഈ സാഹചര്യം മുതലെടുക്കാൻ സാധിക്കും. കോൺഗ്രസ് ചെയ്ത കാര്യങ്ങളിൽ നിന്ന് പാഠമുൾക്കൊണ്ട് അവ ആവർത്തിക്കാതിരിക്കാൻ ബി.ജെ.പി ശ്രദ്ധിക്കണം. ഇന്ത്യയെ ആത്മനിർഭർ എന്ന നിലയിലേക്കുയർത്താൻ കഠിനാധ്വാനം ചെയ്യേണ്ടതുണ്ടെന്നും മായാവതി പറഞ്ഞു.

ഇന്ത്യ-ചൈന സംഘർഷവുമായി ബന്ധപ്പെട്ട് ബി.ജെ.പിയെ പിന്തുണച്ച് എൻ.സി.പി നേതാവ് ശരദ് പവാറും നേരത്തെ രംഗത്ത് വന്നിരുന്നു.