തിരുവനന്തപുരം: ഇത്തവണത്തെ എസ്.എസ്.എൽ.സി പരീക്ഷയിൽ 98.82ശതമാനം പേർ വിജയിച്ചു. കഴിഞ്ഞവർഷത്തെക്കാൾ 0.71ശതമാനം കൂടുതലാണിത്. നാല് ലക്ഷത്തി പതിനേഴായിരത്തി ഒന്നുപേർ ഉന്നത പഠനത്തിന് യോഗ്യത നേടി. മോഡറേഷനില്ലാതെയാണ് ഇത്തവണത്തെ വിജയം. 637 സർക്കാർ സ്കൂളുകൾ നൂറുശതമാനം വിജയം നേടി. 404 അൺ എയ്ഡഡ് സ്കൂളുകളും നൂറുശതമാനം വിജയം നേടി. ഇന്നുച്ചയ്ക്ക് രണ്ടുമണിക്ക് വിദ്യാഭ്യാസ മന്ത്രി സി.രവീന്ദ്രനാഥാണ് ഫലം പ്രഖ്യാപിച്ചത്.കൂടുതൽ വിജയശതമാനം പത്തനംതിട്ട ജില്ലയിലും കുറവ് വയനാട് ജില്ലയിലുമാണ്. കുട്ടനാട്ടിൽ നൂറുശതമാനമാണ് ജയം. സേ പരീക്ഷാ തീയതി പിന്നീട് പ്രഖ്യാപിക്കും.

ടി.എച്ച്.എസ്.എൽ.സി, എ.എച്ച്.എസ്.എൽ.സി, എസ്.എസ്.എൽ.സി (ഹിയറിംഗ് ഇംപെയേഡ്) പരീക്ഷാഫലവും പ്രഖ്യാപിച്ചു. ഇന്ന് രാവിലെ 10ന് പൊതുവിദ്യാഭ്യാസ ഡയറക്ടറുടെ അദ്ധ്യക്ഷതയിൽ പാസ് ബോർഡ് യോഗം ചേർന്ന് ഫലത്തിന് അംഗീകാരം നൽകിയിരുന്നു.

2. http://sslcexam.kerala.gov.in

3. www.results.kite.kerala.gov.in

4. http://results.kerala.nic.in

5. www.prdkerala.gov.in

6. www.sietkerala.gov.in വെബ്സൈറ്റുകൾ വഴിയും 'സഫലം 2020' മൊബൈൽ ആപ്പ് ഡൗൺലോഡ് ചെയ്തും ഫലമറിയാം.

എസ്.എസ്.എൽ.സി (എച്ച്.ഐ) റിസൽറ്റ് http://sslchiexam.kerala.gov.in ലും ടി.എച്ച്.എസ്.എൽ.സി റിസൽറ്റ് http://thslcexam.kerala.gov.in ലും എ.എച്ച്.എസ്.എൽ.സി റിസൽറ്റ് http://ahslcexam.kerala.gov.in ലും ലഭ്യമാകും.

എസ്.എസ്.എൽ.സി ഫലം പി.ആർ.ഡി ലൈവിലും ലഭിക്കും.ഹോം പേജിലെ ലിങ്കിൽ രജിസ്റ്റർ നമ്പർ നൽകിയാൽ ഫലം അറിയാം. ഗൂഗിൾ പ്ലേ സ്റ്റോറിലും ആപ്പ് സ്റ്റോറിലും നിന്ന് പി.ആർ.ഡി ലൈവ് (prd live) ഡൗൺലോഡ് ചെയ്യാം.