ന്യൂ​ഡ​ൽ​ഹി: കി​ഴ​ക്ക​ൻ ല​ഡാ​ക്ക് അ​തി​ർ​ത്തി​യി​ൽ വീ​ണ്ടും പ്ര​കോ​പ​ന​ ശ്രമവുമായി ചൈനീസ് പീപ്പിൾസ് ലിബറേഷൻ ആർമി. ത​ർ​ക്ക​പ്ര​ദേ​ശ​ത്തി​ന് അ​വ​കാ​ശ​വാ​ദ​മു​ന്ന​യി​ച്ച് പാ​ൻഗോംഗ് ത​ടാ​ക​ത്തി​ലെ ഫിം​ഗേ​ഴ്സ് മേ​ഖ​ല​യി​ലാ​ണ് ചൈ​നീ​സ് ഭാഷയായ 'മാൻഡരിനി'ലെ ചിഹ്നവും ഭൂ​പ​ട​വും വ​ര​ച്ചു​കൊ​ണ്ടാ​ണ് വീ​ണ്ടും പ്ര​കോ​പ​ന​മു​ണ്ടാ​യി​രി​ക്കു​ന്ന​ത്.

'ഫിം​ഗ​ർ നാ​ലി'നും 'ഫിം​ഗ​ർ അ​ഞ്ചി​'നും ഇ​ട​യി​ൽ സ്ഥി​തി​ചെ​യ്യു​ന്ന ഈ രൂപങ്ങൾക്ക് ഏ​ക​ദേ​ശം 81 മീ​റ്റ​ർ നീ​ള​വും 25 മീ​റ്റ​ർ വീ​തി​യു​മാ​ണ് ഉ​ള്ള​തെ​ന്നാ​ണ് ക​ണ​ക്കാ​ക്ക​പ്പെ​ടു​ന്ന​ത്. ഉപഗ്രഹങ്ങൾക്ക് കാണാവുന്ന രീതിയിലാണ് ഈ ചിഹ്നങ്ങൾ ചൈനീസ് സൈന്യം രേഖപ്പെടുത്തിയിരിക്കുന്നത്.

ഇ​ന്ത്യ​യു​ടെ ഫിം​ഗ​ര്‍ ഒ​ന്നി​ലേ​ക്കും ഫിം​ഗ​ര്‍ മൂ​ന്നി​ലേ​ക്കും ചൈ​നീ​സ് സേ​ന നീ​ങ്ങു​ന്ന​തും ഇവിടെ നിന്നുമുള്ള ഉ​പ​ഗ്ര​ഹ ചി​ത്ര​ങ്ങ​ളി​ല്‍​ നി​ന്ന് വ്യ​ക്ത​മാ​ണ്. പാൻഗോംഗ് ത​ടാ​ക​ത്തോ​ടു ചേ​ര്‍​ന്ന് മേഖലകൾ തരാം തിരിച്ചിരിക്കുന്നത് 'ഫിംഗറു'കൾ എന്ന പേരിലാണ്.

'പ്ലാനറ്റ് ലാബ്‌സ്' രേഖപ്പെടുത്തിയ ചിത്രങ്ങളിൽ ഈ പ്രദേശത്ത് വൻ തോതിലുള്ള ചൈനീസ് സൈനിക വിന്യാസം ഉള്ളതായാണ് കാണുന്നത്. മേയിൽ നടന്ന സംഘർഷങ്ങൾക്ക് ശേഷം സൈന്യത്തെ വിന്യസിച്ചിരിക്കുന്ന ഈ പ്രദേശങ്ങളിൽ പട്രോളിംഗ് നടത്താൻ ഇന്ത്യൻ സേനയെ ചൈനീസ് സൈന്യം അനുവദിച്ചിട്ടില്ലെന്ന് ദേശീയ മാദ്ധ്യമമായ എൻ.ഡി.ടി.വി റിപ്പോർട്ട് ചെയ്യുന്നു.