താനൂർ: ഡി.ആർ.ഡി.ഒയിലെ ഉന്നത ഉദ്യോഗസ്ഥനാണെന്ന് തെറ്റിദ്ധരിപ്പിച്ച് പണം തട്ടിയ കേസിൽ കോട്ടയം വാഴൂർ സ്വദേശി മണ്ണുപുരയിടത്ത് അരുണിനെ(35) താനൂർ പൊലീസ് അറസ്റ്റ് ചെയ്തു. കോഴിക്കോട് ജയിലിൽ വച്ചായിരുന്നു അറസ്റ്റ്. മറ്റൊരു കേസിൽ കൊടുവള്ളി പൊലീസ് അറസ്റ്റ് ചെയ്തിരുന്നു.

താനൂർ പരിയാപുരം സ്വദേശി കൊണ്ടത്തവീട്ടിൽ ശശി നൽകിയ പരാതിയുടെ അടിസ്ഥാനത്തിലാണ് അറസ്റ്റ്. ശശിയുടെ മകനുൾപ്പെടെ പത്തോളം പേരിൽനിന്നു ഇയാൾ പണം തട്ടിയിട്ടുണ്ട്. താനൂരിൽ 11 പേരിൽ നിന്നായി ബാങ്ക് അക്കൗണ്ട് വഴി പലതവണയായി 14,​40,000 രൂപയാണ് പ്രതി കൈക്കലാക്കിയത്. കോടതിയിൽ ഹാജരാക്കി മഞ്ചേരി സബ് ജയിലേക്ക് മാറ്റി.