മലപ്പുറം : ജില്ലയെ അപമാനിച്ച മേനക ഗാന്ധിക്കെതിരെ കേസെടുക്കണമെന്ന് യൂത്ത് കോൺഗ്രസ്​ സംസ്ഥാന വൈസ് പ്രസിഡന്റ്​ റിയാസ് മുക്കോളി ആവശ്യപ്പെട്ടു. ജില്ലയുടെ ചരിത്രം പഠിക്കാൻ ജില്ലയുടെ ചരിത്ര പുസ്തകവും ഭൂപടവും അയച്ചുകൊടുക്കുന്ന പരിപാടി ഉദ്ഘാടനം ചെയ്യുകയായിരുന്നു അദ്ദേഹം. മലപ്പുറം നിയോജക മണ്ഡലം പ്രസിഡന്റ്​ കെ.പി. ഷറഫുദ്ദീൻ അദ്ധ്യക്ഷത വഹിച്ചു. യൂത്ത് കോൺഗ്രസ് സംസ്ഥാന ജനറൽ സെക്രട്ടറി പി. കെ. നൗഫൽ ബാബു, ഇസ്ലാഹ് പള്ളിപ്പുറം, പി.ജിജി മോഹൻ, അൻവർ ചിറ്റത്തുപാറ, സയ്യിദ് പൂങ്ങാടൻ, റാഷിദ്​ പൂക്കോട്ടൂർ, സാദിക്ക് പൂക്കാടൻ എന്നിവർ സംസാരിച്ചു.
മേനക ഗാന്ധിക്കെതിരെ കേസെടുക്കണമെന്നാവശ്യപ്പെട്ട് ജില്ലാ പൊലീസ് മേധാവിക്ക് റിയാസ് മുക്കോളി പരാതി നൽകി.