മഞ്ചേരി : ഗവ: മെഡിക്കൽ കോളേജിൽ നിരീക്ഷണത്തിലായിരുന്ന അന്യസംസ്ഥന തൊഴിലാളിയായ യുവാവ് അധികൃതരുടെ കണ്ണുവെട്ടിച്ച് ആശുപത്രിയിൽ നിന്നും ഇറങ്ങിയോടി. ഇയാളുടെ കോവിഡ് പരിശോധനാ ഫലം നെഗറ്റീവായിരുന്നു.
ഏറെ നേരത്തെ തെരച്ചിലിനൊടുവിൽ എളങ്കൂറിൽ നിന്നാണ് കണ്ടെത്തിയത്.
വ്യാഴാഴ്ച്ച രാവിലെ എട്ടോടെയാണ് മഞ്ചേരി മെഡിക്കൽ കോളേജിൽ നിന്ന് ഇറങ്ങിയോടിയത്. കരുവാരക്കുണ്ട് ഭാഗങ്ങളിൽ അലഞ്ഞുതിരിഞ്ഞ് നടക്കുകയായിരുന്ന ഇയാളെ കഴിഞ്ഞ ദിവസം
നാട്ടുകാരാണ് മഞ്ചേരി മെഡിക്കൽ കോളേജിൽ എത്തിച്ചത്. കൊവിഡ് പരിശോധനാ ഫലം നെഗറ്റീവായിരുന്നു.
ഇന്നലെ ആശുപത്രിയിലെ ഏഴാംവാർഡിൽ നിന്നും ഇയാൾ
പുറത്തേക്കിറങ്ങി ഓടുകയായിരുന്നു. മാനസികാസ്വാസ്ഥ്യം പ്രകടിപ്പിച്ചിരുന്നതായി ആശുപത്രി അധികൃതർ പറഞ്ഞു. തിരിച്ചു പോകാൻ വീടില്ലാത്തതിനാൽ
ആശുപത്രിയിൽ കഴിയുകയായിരുന്നു.