മലപ്പുറം: മാസ്‌ക് ധരിക്കാതെ പുറത്തിറങ്ങിയതിന് 238 പേർക്കെതിരെ ഇന്നലെ പൊലീസ് കേസെടുത്ത് പിഴ ഈടാക്കി. കൊവിഡ് പ്രതിരോധത്തിന്റെ ഭാഗമായുള്ള ആരോഗ്യജാഗ്രത ലംഘിച്ചതിന് ജില്ലയിൽ 24 കേസുകൾ കൂടി ഇന്നലെ രജിസ്റ്റർ ചെയ്തതായി ജില്ലാ പൊലീസ് മേധാവി യു. അബ്ദുൾ കരീം അറിയിച്ചു. വിവിധ സ്റ്റേഷനുകളിലായി 16 പേരെ ഇന്നലെ അറസ്റ്റു ചെയ്തു. നിർദ്ദേശങ്ങൾ ലംഘിച്ച് നിരത്തിലിറക്കിയ നാല് വാഹനങ്ങളും പിടിച്ചെടുത്തിട്ടുണ്ട്.