കോട്ടയ്ക്കൽ: നഗരസഭ 13​ാം വാർഡിലെ ചോലമാടു​ചോല കോൺക്രീറ്റ് റോഡ് നഗരസഭ ചെയർമാൻ കെ.കെ. നാസർ ഉദ്ഘാടനം ചെയ്തു.വാർഡ് കൗൺസിലർ ടി.വി സുലൈഖാബി അദ്ധ്യക്ഷത വഹിച്ചു. സിഡ്‌കോ ആറ് ലക്ഷം രൂപയ്ക്കാണ് പ്രവൃത്തിപൂർത്തീകരിച്ചത്. സിഡ്‌കോയെ പ്രവൃത്തി ഏൽപ്പിച്ചതിന് നഗരസഭയ്ക്കെതിരെ അഴിമതി ആരോപണവുമായി സി പി എം രംഗത്ത് വന്നിരുന്നു.2020-​21​ വാർഷിക പദ്ധതിയിൽ പ്രവൃത്തി പൂർത്തീകരിച്ച ജില്ലയിലെ ആദ്യ പ്രവൃത്തിയാണിത്. ആഘോഷത്തോടെ നടന്ന ഉദ്ഘാടന ചടങ്ങിൽ വൈസ് ചെയർപേഴ്സൺ യുഎ ബുഷ്ര ഷബീർ, കൗൺസിലർമാരായ അഹമ്മദ് മണ്ടായപ്പുറം, നാസർ തിരുനിലത്ത്, കോയാപ്പു , കെ.എം റഷീദ്, അടുവണ്ണി മുഹമ്മദ്, അലവിക്കുട്ടി പാപ്പായി, പി കെ മുസ്തഫ, അലവി ബാപ്പു, കുഞ്ഞവറാൻ ഹാജി, എം.പി അൻവർ, ബാബു തിരുനിലത്ത്, എം. പി. കുഞ്ഞലവി, ഇ.പി റഫീഖ് എന്നിവർ പങ്കെടുത്തു.