തി​രൂ​ര​ങ്ങാ​ടി: തെ​രു​വു​നാ​യ്​ക്ക​ളു​ടെ ശ​ല്യം കാ​ര​ണം ചെ​മ്മാ​ട് ന​ഗ​ര​ത്തിൽ യാ​ത്ര​ക്കാർ​ക്ക് റോ​ഡി​ലി​റ​ങ്ങാൻ വ​യ്യാ​താ​യി. നാ​യ്​ക്കൾ ഒ​റ്റ​യാ​യും കൂട്ട​ത്തോ​ടെ​യും ആ​ളു​ക​ളെ തൊ​ട്ടു​രു​മ്മി ക​ട​ന്നു​പോ​കു​ന്ന​ത് ടൗ​ണി​ലെ സ്ഥി​രം കാ​ഴ്​ച​യാ​ണ്. താ​ലൂ​ക്ക് ആ​ശു​പ​ത്രി, താ​ലൂ​ക്ക് ഓ​ഫീ​സ് വ​ള​പ്പ്, പൊ​ലീസ് ക്വാർ​ട്ടേ​ഴ്​സ് കോ​മ്പൗ​ണ്ട് എ​ന്നി​വി​ട​ങ്ങ​ളാ​ണ് ഇ​വ​യു​ടെ പ്ര​ധാ​ന താ​വ​ളം. ഇ​വി​ട​ങ്ങ​ളിൽ ഉ​പേ​ക്ഷി​ക്ക​പ്പെ​ട്ട തൊ​ണ്ടി വാ​ഹ​ന​ങ്ങൾ​ക്കി​ട​യിൽ ഇ​വ പെ​റ്റു​പെ​രു​കു​ക​യാ​ണ്. ക​ല്യാ​ണ​വും സത്കാ​ര​വും ഹോ​ട്ട​ലു​ക​ളും ഇ​ല്ലാ​ത്ത​തി​നാൽ ഭ​ക്ഷ​ണം കി​ട്ടാ​തെ അ​ല​ഞ്ഞു നടക്കുന്നവയുടെ എണ്ണം കൂടുന്നുണ്ട്. സാമൂഹ്യപ്രവർത്തകരും മറ്റും നൽകുന്ന ഭക്ഷണമാണ് മിക്കവയുടെയും ആശ്രയം .

ക​ഴി​ഞ്ഞ മാ​സം പൊ​ലീ​സ് ക്വാർ​ട്ടേ​ഴ്​സിൽ നി​ന്നും റൂ​മി​ന്റെ മു​മ്പിൽ അ​ഴി​ച്ചുവ​ച്ചി​രു​ന്ന ചെ​രു​പ്പും ഷൂവും നായ്ക്കൾ ക​ടിച്ചെടുത്തിരുന്നു. തൊ​ട്ട​ടു​ത്ത താ​ലൂ​ക്ക് ആ​ശു​പ​തി​ മോർ​ച്ച​റി​യു​ടെ പിൻ​വ​ശത്ത് ഇവ ഉ​പേ​ക്ഷി​ക്ക​പ്പെട്ട നിലയിൽ കണ്ടെത്തി. താ​ലൂ​ക്ക് ഓ​ഫീ​സി​ന്റെ പ​ഴ​യ കെ​ട്ടി​ടം പു​രാ​വ​സ്​തു കേ​ന്ദ്ര​ത്തി​ന്റെ പ്ര​വൃ​ത്തി​കൾ​ക്കാ​യി ഒ​ഴി​ഞ്ഞ​തോ​ടെ തെ​രു​വ് നാ​യ്ക്കൾ​ക്ക് സുഖവാസകേന്ദ്രം ലഭിച്ച പ്രതീതിയാണ്.
ലോക്ക് ഡൗൺ ഇ​ള​വ് വ​ന്ന​തോ​ടെ താ​ലൂ​ക്ക് ഓ​ഫീ​സ്, താ​ലൂ​ക്ക് ആ​ശു​പ​ത്രി, സ​ബ് ര​ജി​സ്​ട്രാർ ഓ​ഫീ​സ്,സ​ബ് ട്ര​ഷ​റി, പൊ​ലീ​സ് സ്റ്റേ​ഷൻ എ​ന്നി​വി​ട​ങ്ങ​ളി​ലേ​ക്ക് വി​വി​ധ ആ​വ​ശ്യ​ങ്ങൾ​ക്ക് എ​ത്തു​ന്ന​വ​രും നാ​യ ഭീ​ഷ​ണി നേ​രി​ടു​ന്നു​ണ്ട്. ന​ഗ​ര​സ​ഭ​യു​ടെ മേൽ​നോ​ട്ട​ത്തി​ലാ​ണ് താ​ലൂ​ക്ക് ആ​ശു​പ​ത്രി ഉ​ള്ള​ത്. ആ​ശു​പ​ത്രി​യുടെ വിവിധ ഇടങ്ങളിൽ തെ​രു​വുനായ ശ​ല്യം രൂ​ക്ഷ​മാ​ണ്. തെ​രു​വ് നാ​യ്​ക്ക​ളു​ടെ ശ​ല്യം ത​ട​യു​ന്ന​തി​ന് ആവശ്യമായ ന​ട​പ​ടി​കൾ സ്വീ​ക​രി​ക്ക​ണ​മെ​ന്നാ​ണ്
ആ​ശു​പ​ത്രി ജീ​വ​ന​ക്കാ​രു​ടെ​യും നാ​ട്ടു​കാ​രു​ടെ​യും ആ​വ​ശ്യം,