മലപ്പുറം: മാസ്‌ക് ധരിക്കാതെ പുറത്തിറങ്ങിയതിന് 234 പേർക്കെതിരെ പൊലീസ് കേസെടുത്ത് പിഴ ഈടാക്കി. കൊറോണ പ്രതിരോധത്തിന്റെ ഭാഗമായുള്ള ആരോഗ്യ ജാഗ്രത ലംഘിച്ചതിന് ജില്ലയിൽ എട്ട് കേസുകൾ കൂടി ഇന്നല രജിസ്റ്റർ ചെയ്തതായി ജില്ലാ പൊലീസ് മേധാവി യു. അബ്ദുൾ കരീം അറിയിച്ചു. വിവിധ സ്റ്റേഷനുകളിലായി എട്ട് പേരെ ഇന്നലെ അറസ്റ്റു ചെയ്തു. നിർദ്ദേശങ്ങൾ ലംഘിച്ച് നിരത്തിലിറക്കിയ ഒരു വാഹനവും പിടിച്ചെടുത്തു.