മലപ്പുറം: ജില്ലയിൽ 47 പേർക്ക് കൂടി ഇന്നലെ കൊവിഡ് 19 സ്ഥിരീകരിച്ചു. ഇതിൽ നാല് പേർക്ക് സമ്പർക്കത്തിലൂടെയും അഞ്ചുപേർക്ക് സെന്റിനൽ സർവൈലൻസിന്റെ ഭാഗമായി നടത്തിയ സ്രവ പരിശോധനയിലൂടെയുമാണ് രോഗബാധ സ്ഥിരീകരിച്ചത്. ഒരാൾ കണ്ണൂരിൽ നിന്നും 16 പേർ ഇതര സംസ്ഥാനങ്ങളിൽ നിന്നും 21 പേർ വിവിധ വിദേശ രാജ്യങ്ങളിൽ നിന്നുമെത്തിയവരാണ്. ഇവരെല്ലാം മഞ്ചേരി ഗവ. മെഡിക്കൽ കോളേജ് ആശുപത്രിയിൽ ചികിത്സയിലാണ്. ഇവർക്കു പുറമെ ജില്ലയിൽ ചികിത്സയിലുള്ള ഇതര ജില്ലക്കാരായ മൂന്ന് പേർക്കും ഇന്നലെ രോഗബാധ സ്ഥിരീകരിച്ചു.
ജൂൺ 14ന് രോഗം സ്ഥിരീകരിച്ച കരുവാരക്കുണ്ട് ഇരിങ്ങാട്ടിരി സ്വദേശിയുമായി അടുത്തിടപഴകിയ കരുവാരക്കുണ്ട് ഇരിങ്ങാട്ടിരി സ്വദേശി( 32), മേയ് 19ന് രോഗബാധയുണ്ടായ ചുങ്കത്തറ സ്വദേശിയുമായി അടുത്തിടപഴകിയ ചുങ്കത്തറ ചേങ്ങാട്ടൂർ സ്വദേശി (44) , മേയ് 19ന് രോഗബാധ സ്ഥിരീകരിച്ച എടക്കര പാലേമാട് സ്വദേശിയുമായി നേരിട്ടിടപഴകിയ എടക്കര പാലേമാട് സ്വദേശി (39) , കോഴിക്കോട് രോഗബാധ സ്ഥിരീകരിച്ച വിമാനത്താവള ജീവനക്കാരനുമായി ഇടപഴകിയ നിലമ്പൂർ സ്വദേശി (36) എന്നിവർക്കാണ് സമ്പർക്കത്തിലൂടെ രോഗബാധ സ്ഥിരീകരിച്ചത്. ജില്ലയിൽ ചികിത്സയിലുള്ള 26കാരനായ കണ്ണൂർ സ്വദേശിക്കും കോഴിക്കോട്ടെ വിമാനത്താവള ജീവനക്കാരനിൽ നിന്ന് സമ്പർക്കത്തിലൂടെയാണ് രോഗബാധയേറ്റത്. വട്ടംകുളം സ്വദേശികളായ 39 വയസുകാരൻ, 50 വയസുകാരി, 33 വയസുകാരി, 23 വയസുകാരൻ, 32 വയസുകാരി എന്നിവർക്ക് സെന്റിനൽ സർവൈലൻസിന്റെ ഭാഗമായി നടത്തിയ സ്രവ പരിശോധനയിലും രോഗബാധ സ്ഥിരീകരിച്ചു. കണ്ണൂരിൽ നിന്ന് വടകര വഴി ജൂൺ 14 ന് ജില്ലയിൽ തിരിച്ചെത്തിയ പുൽപ്പറ്റ സ്വദേശിക്കും(26) ഇന്നലെ രോഗബാധ സ്ഥിരീകരിച്ചിട്ടുണ്ട്.
ചെന്നൈയിൽ നിന്ന് ജൂൺ എട്ടിനെത്തിയ വാഴയൂർ മുണ്ടയിൽത്താഴം സ്വദേശികളായ 19 കാരൻ, 25കാരൻ, പശ്ചിമ ബംഗാളിൽ നിന്ന് ജൂൺ ഏഴിനെത്തിയ പറപ്പൂർ ഒഴിപ്പുറം സ്വദേശി (31) , മുംബൈയിൽ നിന്ന് ജൂൺ 15 നെത്തിയ കോട്ടയ്ക്കൽ സ്വദേശി (32) , ആന്ധ്രയിൽ നിന്ന് ജൂൺ 13 നെത്തിയ വഴിക്കടവ് മൊടപ്പൊയ്ക സ്വദേശി (34), ബംഗളൂരുവിൽ നിന്ന് മേയ് 22നെത്തിയ വഴിക്കടവ് കാരക്കോട് സ്വദേശിനി (26), മുംബൈയിൽ നിന്ന് ജൂൺ 12 നെത്തിയ വാഴയൂർ അഴിഞ്ഞിലം സ്വദേശി (29), ഡൽഹിയിൽ നിന്ന് ജൂൺ 15നെത്തിയ കുറുവ പാങ്ങ് സ്വദേശി (26), ബംഗളൂരുവിൽ നിന്ന് ജൂൺ 10നെത്തിയ ഊർങ്ങാട്ടിരി വടക്കുംമുറി സ്വദേശി (27), കർണാടകയിൽ നിന്ന് ജൂൺ എട്ടിനെത്തിയ റെയിൽവേ ജീവനക്കാരനായ കോഡൂർ സ്വദേശി (34), പൂനെയിൽ നിന്ന് കൊച്ചി വഴി ജൂൺ നാലിനെത്തിയ മഞ്ചേരി മുട്ടിപ്പാലം സ്വദേശി (30), ചെന്നൈയിൽ നിന്ന് ജൂൺ 13 ന് ഒരുമിച്ചെത്തിയ എടപ്പറ്റ വെള്ളിയഞ്ചേരി സ്വദേശികളായ 42കാരൻ, 32കാരി, എട്ട് വയസുകാരി, ആറ് വയസുകാരൻ, ജൂൺ 11 ന് നാഗ്പൂരിൽ നിന്ന് കൊച്ചി വഴിയെത്തിയ എടപ്പറ്റ സ്വദേശി (38) എന്നിവരാണ് ഇതരസംസ്ഥാനങ്ങളിൽ നിന്ന് തിരിച്ചെത്തിയവർ.
ജൂൺ 18ന് റാസൽഖൈമയിൽ നിന്ന് കരിപ്പൂർ വഴി തിരിച്ചെത്തിയ തൃപ്രങ്ങോട് സ്വദേശി(51) , ജൂൺ നാലിന് മസ്‌കറ്റിൽ നിന്ന് കൊച്ചിവഴിയെത്തിയ മൊറയൂർ സ്വദേശിനി(29), ജൂൺ ആറിന് റിയാദിൽ നിന്ന് കരിപ്പൂർ വഴിയെത്തിയ എടവണ്ണ സ്വദേശിനി(ആറ്), ജൂൺ 22ന് കുവൈത്തിൽ നിന്നെത്തിയ നന്നമ്പ്ര കൊടിഞ്ഞി സ്വദേശി (33), ജൂൺ ആറിന് റിയാദിൽ നിന്ന് കരിപ്പൂർ വഴിയെത്തിയ പൊന്നാനി ഈശ്വരമംഗലം സ്വദേശി (34), ജൂൺ ആറിന് റാസൽഖൈമയിൽ നിന്ന് കരിപ്പൂർ വഴിയെത്തിയ മഞ്ചേരി മുട്ടിപ്പാലം സ്വദേശി (62), ജൂൺ 16ന് കുവൈത്തിൽ നിന്ന് കൊച്ചി വഴിയെത്തിയ ആലിപ്പറമ്പ് ആനമങ്ങാട് സ്വദേശിനി (35), ജൂൺ 14 ന് ദുബായിൽ നിന്ന് കരിപ്പൂർ വഴിയെത്തിയ ചുങ്കത്തറ പൂക്കോട്ടുമണ്ണ സ്വദേശി (22), ജൂൺ 19ന് ജിദ്ദയിൽ നിന്ന് കരിപ്പൂർ വഴിയെത്തിയ കണ്ണമംഗലം പൂച്ചോലമാട് സ്വദേശി (36), ജൂൺ 13 ന് കുവൈത്തിൽ നിന്ന് കൊച്ചി വഴിയെത്തിയ എടപ്പറ്റ സ്വദേശി (34), ജൂൺ അഞ്ചിന് ഷാർജയിൽ നിന്ന് കരിപ്പൂർ വഴിയെത്തിയ ആനക്കയം പന്തല്ലൂർ സ്വദേശി (23) , ജൂൺ 11 ന് ഷാർജയിൽ നിന്ന് കരിപ്പൂർ വഴിയെത്തിയ പുൽപ്പറ്റ വളമംഗലം സ്വദേശി (29 ), ജൂൺ അഞ്ചിന് ഷാർജയിൽ നിന്ന് കരിപ്പൂർ വഴിയെത്തിയ ആനക്കയം പന്തല്ലൂർ സ്വദേശി (28), ജൂൺ 12 ന് ഷാർജയിൽ നിന്ന് കരിപ്പൂർ വഴിയെത്തിയ പുൽപ്പറ്റ തൃപ്പനച്ചി സ്വദേശി (45), ജൂൺ 17 ന് റാസൽഖൈമയിൽ നിന്ന് കരിപ്പൂർ വഴിയെത്തിയ അരൂക്കോട് ചെമ്രക്കാട്ടൂർ സ്വദേശി( 24), ജൂൺ ഒന്നിന് മസ്ക്കറ്റിൽ നിന്ന് കരിപ്പൂർ വഴിയെത്തിയ വട്ടംകുളം സ്വദേശി (47), ജൂൺ 11 ന് കുവൈത്തിൽ നിന്ന് കരിപ്പൂർ വഴിയെത്തിയ പോത്തുകല്ല് ഉപ്പട സ്വദേശികളായ (32), എഴ് വയസുകാരി, ജൂൺ 17 ന് അബുദാബിയിൽ നിന്ന് കരിപ്പൂർ വഴിയെത്തിയ ചോക്കാട് സ്വദേശി (44), ജൂൺ രണ്ടിന് അബുദാബിയിൽ നിന്ന് കരിപ്പൂർ വഴിയെത്തിയ ആനമങ്ങാട് ആലിപ്പറമ്പ് സ്വദേശി (21) , ജൂൺ 17 ന് കുവൈത്തിൽ നിന്ന് കരിപ്പൂർ വഴിയെത്തിയ നന്നമ്പ്ര തിരുത്തി സ്വദേശി (53)എന്നിവർക്കാണ് വിദേശ രാജ്യങ്ങളിൽ നിന്ന് തിരിച്ചെത്തി വൈറസ്ബാധ സ്ഥിരീകരിച്ചത്. ഇവർക്കു പുറമെ ജൂൺ 22 ന് കുവൈത്തിൽ നിന്ന് കരിപ്പൂരിലെത്തിയ കോട്ടയം സ്വദേശികളായ രണ്ടുപേർക്കും രോഗബാധ സ്ഥിരീകരിച്ചിട്ടുണ്ട്.