പാലക്കാട്: വിദേശത്ത് നിന്നെത്തി കൊവിഡ് നിരീക്ഷണത്തിലിരുന്ന കല്ലേക്കാട് കാനറ ബാങ്കിന് സമീപം തെക്കേപ്പുര കബീറിനെ (58) മരിച്ച നിലയിൽ കണ്ടെത്തി. ഞായറാഴ്ച പുലർച്ചെ രണ്ടിനാണ് സംഭവം. പ്രദേശത്ത് നൈറ്റ് പട്രോളിംഗിനെത്തിയ പൊലീസുകാർ റോഡ് സൈഡിലൈ വീട്ടിൽ ലൈറ്റ് തെളിഞ്ഞ് കിടക്കുന്നത് കണ്ട് പരിശോധിച്ചപ്പോഴാണ് മൃതദേഹം കണ്ടത്.

വീടിന്റെ വാതിലുകൾ തുറന്ന നിലയിലായിരുന്നു. തുടർന്ന് സമീപത്തെ ബന്ധുക്കളെ വിവരമറിയിച്ചു. വെള്ളിയാഴ്ച ദമാമിൽ നിന്നെത്തി നിരീക്ഷണത്തിൽ കഴിയുകയായിരുന്നു. സുരക്ഷാ മുൻകരുതൽ പാലിച്ച് മൃതദേഹം ജില്ലാ ആശുപത്രിയിലേക്ക് മാറ്റി. രക്തസമ്മർദ്ദമല്ലാതെ മറ്റ് അസുഖമൊന്നും ഇല്ലായിരുന്നു. കൊവിഡ് പരിശോധനയുടെ ഫലം വന്ന ശേഷം തുടർ നടപടി സ്വീകരിക്കും. ഭാര്യ: സുബൈദ. മക്കൾ: റിയാസ്, നസീറ, ഷെമീറ. മരുമക്കൾ: നൗഷാദ്, അനീഷ്, ഷബ്ന.