ശ്രീകൃഷ്ണപുരം : ഭക്ഷ്യഭദ്രതയും ഉല്പാദനവും ലക്ഷ്യമിട്ട് സുഭിക്ഷകേരളം പദ്ധതിയുടെ ഭാഗമായി ശ്രീകൃഷ്ണപുരം പഞ്ചായത്തിൽ ഒരുകോടി ആറുലക്ഷം രൂപയുടെ പദ്ധതികൾക്ക് തുടക്കമായി. കൃഷി, മൃഗസംരക്ഷണം, ക്ഷീരവികസനം, മത്സ്യകൃഷി വ്യാപനം എന്നീ മേഖലകളിലായാണ് വിവിധ പദ്ധതികൾക്ക് അംഗീകാരം ലഭിച്ചിട്ടുള്ളത്. മാത്തൂർകിഴിയപ്പാടം പാടശേഖരത്തിലെ നാലര ഏക്കർ തരിശുഭൂമിയിൽ നെൽക്കൃഷി ആരംഭിച്ചു പ്രാരംഭപ്രവർത്തനങ്ങളുടെ ഉദ്ഘാടനം പി.ഉണ്ണി എം.എൽ.എ നിർവഹിച്ചു.

പഞ്ചായത്തിന്റെ നേതൃത്വത്തിൽ തരിശായി കിടക്കുന്ന സ്വകാര്യ ഭൂമിയിൽ പച്ചക്കറി, കിഴങ്ങ്, ധാന്യം കൃഷി ചെയ്യുന്ന കർഷകർക്ക് തൊഴിലുറപ്പ് പദ്ധതി മുഖേന സഹായം നൽകുന്ന വിപുലമായ പദ്ധതിയാണ് പഞ്ചായത്ത് വിഭാവനം ചെയ്യുന്നത്.

പഞ്ചായത്ത് പ്രസിഡന്റ് സി.എൻ.ഷാജുശങ്കർ അദ്ധ്യക്ഷനായി. വൈസ് പ്രസിഡന്റ് എം.രുഗ്മിണി, വി.സി.ഉണ്ണികൃഷ്ണൻ, പി.കെ.ഗംഗാധരൻ മാസ്റ്റർ, കെ.രാജൻ, ജയശ്രീ, വി.എം.ഗോപാലകൃഷ്ണൻ, എം.ബാലകൃഷ്ണൻ, കൃഷി ഓഫീസർ എസ്.ശ്രീകുമാർ, സെക്രട്ടറി ബിനു എന്നിവർ പങ്കെടുത്തു.