പത്തനംതിട്ട : ജില്ലയിലെ വിവിധ താലൂക്കുകളിൽ താമസിക്കുന്ന അന്യ സംസ്ഥാന തൊഴിലാളികൾക്ക് സ്വദേശത്തേക്ക് മടങ്ങുന്നതിന് സർക്കാർ ട്രെയിൻ സൗകര്യം ഏർപ്പെടുത്തിയിട്ടുണ്ടെന്ന് ജില്ലാ കളക്ടർ പി.ബി.നൂഹ് അറിയിച്ചു. കൊവിഡ് 19 മൂലം കുടുങ്ങി കിടക്കുന്ന തൊഴിലാളികൾ ഇനിയുമുണ്ടെങ്കിൽ എത്രയും വേഗം ബന്ധപ്പെട്ട താലൂക്ക്/ വില്ലേജ് ഓഫീസുകളിൽ പേര് രജിസ്റ്റർ ചെയ്യണം.ഈ അവസരം കുടുങ്ങി കിടക്കുന്ന എല്ലാ അന്യസംസ്ഥാന തൊഴിലാളികളും ഉപയോഗപ്പെടുത്തണം. ബന്ധപ്പെട്ട തഹസീൽദാർ/അസിസ്റ്റന്റ് ലേബർ ഓഫീസർമാർ മുഖേന ട്രെയിൻ സമയ വിവരങ്ങൾ ലഭിക്കുന്നത് അനുസരിച്ച് ഏതു സമയത്തും യാത്ര പുറപ്പെടുന്നതിന് അതിഥി തൊഴിലാളികൾ സജ്ജരായിരിക്കണം.ഇക്കാര്യം ബന്ധപ്പെട്ട കരാറുകാർ അവരുടെ കീഴിലുള്ള അതിഥി തൊഴിലാളികളെ അറിയിക്കണമെന്നും ജില്ലാ കളക്ടർ അറിയിച്ചു.