പത്തനംതിട്ട :ജില്ലാ പഞ്ചായത്തിന്റെ ഉടമസ്ഥതയിലുള്ള ഓമല്ലൂർ ഗവ.ഹയർക്കൻഡറി സ്‌കൂളിൽ 2018-20 വാർഷിക പദ്ധതിയിൽ ഉൾപ്പെടുത്തി നിർമ്മിച്ച സ്‌കൂൾ കെട്ടിടത്തിന്റെ ഉദ്ഘാടനം ആന്റോ ആന്റണി എം.പി.നിർവഹിച്ചു.സ്‌കൂൾ കെട്ടിട നിർമ്മാണത്തിന് 75 ലക്ഷം രൂപയും സ്‌കൂളിന്റെ മറ്റു ഭൗതീക സാഹചര്യങ്ങൾ മെച്ചപ്പെടുത്തുന്നതിന് 40 ലക്ഷം രൂപയും ചെലവഴിച്ചു.
ജില്ലാ പഞ്ചായത്ത് പ്രസിഡന്റ് അന്നപൂർണാദേവി ചടങ്ങിൽ അദ്ധ്യക്ഷത വഹിച്ചു. ജില്ലാ പഞ്ചായത്ത് ക്ഷേമകാര്യ സ്ഥിരം സമിതി അദ്ധ്യക്ഷ ലീലാ മോഹൻ, ബ്ലോക്ക് പഞ്ചായത്തംഗം ശിവരാമൻ, പഞ്ചായത്ത് പ്രസിഡന്റ് ഗീതാ വിജയൻ,വാർഡ് മെമ്പർ ലക്ഷ്മി മനോജ്,പ്രിൻസിപ്പൽ വിത്സൻ.ടി,​ഹെഡ്മിസ്ട്രസ് ശ്രീജ,പി.ടി.എ പ്രസിഡന്റ് വി.ആർ ഉത്തമൻ എന്നിവർ പ്രസംഗിച്ചു.