മല്ലപ്പള്ളി : സംസ്ഥാന സർക്കാർ നടപ്പിലാക്കിവരുന്ന ഓൺലൈൻ വിദ്യാഭ്യാസ പഠന സൗകര്യത്തിന് ബുദ്ധിമുട്ട് അനുഭവിക്കുന്ന കുട്ടികൾക്ക് സഹായമേകി ടി.വി ചലഞ്ചുമായി സി.പി.ഐ കോട്ടാങ്ങൽ ലോക്കൽ കമ്മിറ്റി. വായ്പ്പൂര് എൻ.എസ്.എസ്.ഹയർ സെക്കൻഡറി സ്‌കൂൾ വിദ്യാർത്ഥിനിക്ക് ലോക്കൽ കമ്മിറ്റിയുടെ നേതൃത്വത്തിൽ എൽ.ഇ.ഡി ടെലിവിഷൻ നൽകിയത്. ടി.വി സെറ്റിന്റെ വിതരണോദ്ഘാടനം സി.പി.ഐ ജില്ലാ കമ്മിറ്റിയംഗം കെ സതീശ് നിർവഹിച്ചു.സ്‌കൂൾ പ്രിൻസിപ്പൽ ഇൻ ചാർജ് എൻ ശ്രീലത,ലോക്കൽ കമ്മിറ്റിയംഗം ഉഷാ ശ്രീകുമാർ,വായ്പ്പൂര് സർവീസ് സഹകരണ ബാങ്ക് വൈസ് പ്രിസിഡന്റ് ഫസീല ദിലീപ്, നവാസ് ഖാൻ തുടങ്ങിയവർ പങ്കെടുത്തു.