പത്തനംതിട്ട : സംസ്ഥാനത്തെ സർക്കാർ, എയ്ഡഡ്, അംഗീകൃത അൺ എയ്ഡഡ്, സി.ബി.എസ്.ഇ/ഐ.സി.എസ്.ഇ അഫിലിയേറ്റഡ് സ്‌കൂളുകളിൽ ഒന്നു മുതൽ 10 വരെ ക്ലാസുകളിൽ പഠിക്കുന്ന ഒ.ഇ.സി വിദ്യാർത്ഥികൾക്ക് പ്രീ മെട്രിക് വിദ്യാഭ്യാസ ആനുകൂല്യത്തിനുള്ള അപേക്ഷ ക്ഷണിച്ചു.
സ്‌കൂൾ അധികൃതർ www.egrantz.kerala.gov.in സ്‌കോളർഷിപ്പ് പോർട്ടലിലൂടെ ഓൺലൈനായി അർഹരായ വിദ്യാർത്ഥികളുടെ വിവരങ്ങൾ പിന്നാക്ക വിഭാഗ വികസന വകുപ്പിന് ജൂലൈ 31 നകം ലഭ്യമാക്കണം. അംഗീകൃത അൺഎയ്ഡഡ്, സി.ബി.എസ്.ഇ/ഐ.സി.എസ്.ഇ അഫിലിയേറ്റഡ് സ്‌കൂളുകൾ ഓൺലൈൻ ഡേറ്റാ എൻട്രിക്കുശേഷം ലഭ്യമാകുന്ന ലിസ്റ്റിന്റെ പ്രിന്റ്ഔട്ട് ബന്ധപ്പെട്ട ഡിഇഒ/എഇഒ യ്ക്ക് സമർപ്പിച്ച് മേലൊപ്പ് ചാർത്തി പിന്നാക്ക വിഭാഗ വികസന വകുപ്പ് എറണാകുളം മേഖലാ ഡെപ്യൂട്ടി ഡയറക്ടറുടെ കാര്യാലയത്തിൽ ലഭ്യമാക്കണം. അർഹമായ തുക വിദ്യാർത്ഥികളുടെ ബാങ്ക് അക്കൗണ്ടിലേക്ക് നേരിട്ട് ട്രാൻസ്ഫർ ചെയ്യും. വിശദവിവരങ്ങൾ ഉൾക്കൊള്ളുന്ന സർക്കുലർ www.bcdd.kerala.gov.in എന്ന വെബ്‌സൈറ്റിലും ഇഗ്രാന്റ്‌സ് പോർട്ടലിലും ലഭിക്കും. കൂടുതൽ വിവരങ്ങൾക്ക് ഫോൺ: 0484 2983130, 2429130.