പത്തനംതിട്ട: രാജ്യതാൽപര്യങ്ങളെക്കാൾ രാഷ്ട്രീയ താൽപര്യങ്ങൾക്ക് മുൻഗണന കൊടുക്കുവാൻ നരേന്ദ്രമോദി തയ്യാറാകുന്നതാണ് അതിർത്തി പ്രദേശങ്ങളിൽ സംഘർഷാവസ്ഥ രൂക്ഷമാകാൻ കാരണമെന്ന് ആന്റോ ആന്റണി എം.പി അഭിപ്രായപ്പെട്ടു. ജവഹർ ബാലജനവേദി പത്തനംതിട്ട യുദ്ധസ്മാരകത്തിൽ സംഘടിപ്പിച്ച ഷഹിദോംകാ സലാം ദിവസ് ഉദ്ഘാടനം ചെയ്യുകയായിരുന്നു അദ്ദേഹം.
ഇന്ത്യ,ചൈന അതിർത്തിയിൽ വീരമൃത്യുവരിച്ച 20 ജവാന്മാരുടെ സ്മരണാർത്ഥമാണ് ചടങ്ങ് സംഘടിപ്പിച്ചത്. ജില്ലാ ചെയർമാൻ തട്ടയിൽ ഹരികുമാർ അദ്ധ്യക്ഷത വഹിച്ചു. ഡിസിസി വൈസ് പ്രസിഡന്റ് അഡ്വ. വെട്ടൂർ ജ്യോതിപ്രസാദ് ദേശ രക്ഷ പ്രതിജ്ഞ ചൊല്ലിക്കൊടുത്തു. റനീസ് മുഹമ്മദ്, ജയശ്രീ വി.ടി., പി.കെ.ഇഖ്ബാൽ, മുഹമ്മദ് സാദിഖ് എന്നിവർ പ്രസംഗിച്ചു.