പ​ത്ത​നാ​പു​രം: അർദ്ധരാത്രി ചക്ക തിന്നാനിറങ്ങിയ ആനയെ തുരത്താൻ പുറപ്പെട്ട പ​ഞ്ചാ​യ​ത്തം​ഗ​ത്തി​നും സു​ഹൃ​ത്തി​നും ഒറ്റയാന്റെ ആക്രമണത്തിൽ പ​രി​ക്കേ​റ്റു. ക​ല​ഞ്ഞൂർ ഗ്രാ​മ​പ​ഞ്ചാ​യ​ത്തം​ഗം സ​ലാം മൻ​സി​ലിൽ സ​ജീ​വ് റാ​വു​ത്തർ (42),​ പൂ​മ​രു​തി​ക്കു​ഴി അ​രു​ണോ​ദ​യ​ത്തിൽ രാ​ജേ​ന്ദ്രൻ (50) എ​ന്നി​വർ​ക്കാ​ണ് പ​രി​ക്കേ​റ്റ​ത്.

ഞ​ായ​റാ​ഴ്​ച രാ​ത്രി പന്ത്രണ്ടരയോടെയായിരുന്നു സം​ഭ​വം. പ്ര​ദേ​ശ​വാ​സി​കൾ അ​റി​യി​ച്ച​ത​നു​സ​രി​ച്ച്‌​ പൂ​മ​രു​തി​ക്കു​ഴി ജം​ഗ്​ഷ​നി​ലേ​ക്ക് ഇരുചക്ര വാഹനത്തിൽ പോകുമ്പോഴാണ് അപ്രതീക്ഷിതമായി ഒറ്റയാന്റെ മുന്നിൽപ്പെട്ടത്. റോ​ഡ​രി​കിൽ ച​ക്ക തി​ന്നു​കൊ​ണ്ടു​നി​ന്ന ഒറ്റയാൻ പെടുന്നനെ മുന്നോട്ട് വന്ന് തു​മ്പിക്കൈ വീ​ശി ഇ​രു​ച​ക്ര​വാ​ഹ​നം അ​ടി​ച്ചി​ട്ടു. റോ​ഡി​ലേ​ക്ക് തെ​റി​ച്ചു​വീ​ണ് പരിക്കേറ്റ ഇ​രു​വ​രും പ്രാണരക്ഷാർത്ഥം കുത്തനെയുള്ള ഇറക്കത്തിലേക്ക് ഓടി. ആന പിന്നാലെ ഓടിയെങ്കിലും ഇറക്കമായതിനാൽ തിരികെപ്പോയി. ഇതിനിടെ കരിങ്കല്ലിൽ തട്ടിവീണ്‌ രാജേന്ദ്രന് തലയ്ക്കും മറ്റും ഗുരുതരമായി പരിക്കേറ്റു. രാജേന്ദ്രന്റെ ദേഹത്തുതട്ടിവീണ സജീവ് റാവുത്തർക്ക് കാലിനും ചെവിക്കുമാണ് പരിക്കേറ്റത്. കാട്ടാന പിൻമാറിയതോടെ നാട്ടുകാരെത്തി ഇരുവരെയും ആശുപത്രിയിൽ കൊണ്ടുപോയി.

രാ​ജേ​ന്ദ്ര​ന്റെ പരിക്ക് ഗുരുതരമായതിനാൽ കോ​ട്ട​യം മെ​ഡി​ക്കൽ കോ​ളേ​ജ് ആ​ശു​പ​ത്രി​യിൽ പ്രവേശിപ്പിച്ചു. സജീവിനെ കോ​ന്നി​യി​ലെ സർ​ക്കാർ ആ​ശു​പ​ത്രിയിലും. ആനയിറങ്ങുന്നത് സ്ഥിരം സംഭവമായതിനാൽ സ്ഥ​ല​ത്തെ​ത്തി​യ വ​നം​വ​കു​പ്പ് ഉ​ദ്യോഗ​സ്ഥ​രെ നാ​ട്ടു​കാർ ത​ട​ഞ്ഞു​വ​ച്ചു.