കൊല്ലം: ലോക് ഡൗണിനെ തുടർന്ന് ട്രെയിൻ സർവീസ് നിറുത്തി വച്ചിരിക്കുന്ന കൊല്ലം-തിരുനെൽവേലി റെയിൽവേ ട്രാക്കിൽ മെറ്റൽ കൂനകൾ കൂട്ടി വച്ചിരിക്കുന്നതായി കണ്ടെത്തി. ഇടമൺ റെയിൽവേ സ്റ്റേഷനിൽ നിന്ന് ഒന്നര കിലോമീറ്റർ ദൂരത്തെ ഉദയഗിരി ഭാഗങ്ങളിലെ ട്രാക്കിലാണ് മെറ്റൽ കൂനകൾ കണ്ടെത്തിയത്. റെയിൽവേ പൊലീസും ആർ.പി.എഫും സ്ഥലത്തെത്തി പരിശോധന നടത്തി. പാലരുവി- തിരുനെൽവേലി, താംബരം-കൊല്ലം, തെങ്കാശി- കൊല്ലം തുടങ്ങിയ നിരവധി ട്രെയിനുകൾ സർവീസ് നടത്തിയിരുന്ന റെയിൽവേ ട്രാക്കിലെ വിവിധ സ്ഥലങ്ങളിലാണ് മെറ്റൽ കൂനനകൾ കണ്ടെത്തിയത്. സംഭവത്തെപ്പറ്റി ഗൗരവമായി അന്വേഷിക്കുമെന്ന് റെയിൽവേ പൊലീസ് അറിയിച്ചു.