പത്തനാപുരം: എസ്.എൻ.ഡി.പി യോഗം പിറവന്തൂർ പടിഞ്ഞാറ് ശാഖാ അംഗവും പിറവന്തൂർ മലയിൽ കോട്ടേജിൽ പരേതനായ പി. കെ നാരായണപ്പണിക്കരുടെ ഭാര്യയുമായ വി.കെ ലക്ഷ്മികുട്ടിഅമ്മയുടെ 16​​-ാം ചരമ ദിനത്തോട് അനുബന്ധിച്ച് ശാഖാ അംഗങ്ങളായ കുടുംബങ്ങൾക്കും മറ്റ് നിർദ്ധനർക്കും പച്ചക്കറി കിറ്റുകൾ വിതരണം ചെയ്തു.ശാഖാ സെക്രട്ടറി ഷൈജു അർജുനൻ വിതരണോദ്ഘാടനം നിർവഹിച്ചു. വൈസ് പ്രസിഡന്റ് എൻ. രത്നാകരൻ അദ്ധ്യക്ഷത വഹിച്ചു. കുടുംബാംഗങ്ങളായ വജ്രകുമാർ, വിജയകുമാർ, രവികുമാർ,​ ശാഖാ വനിതാസംഘം പ്രസിഡന്റ് സിന്ധു രാജീവ്, സെക്രട്ടറി പ്രദീപ് ഷൈജു, ശാഖയിലെ കുടുംബയോഗം ഭാരവാഹികൾ തുടങ്ങിയവർ സന്നിഹിതരായിരുന്നു.