 ലോക്ക് ഡൗൺ നിയന്ത്രണങ്ങൾ ലംഘിച്ച 25 പേർ അറസ്റ്റിൽ

കൊല്ലം: കൊവിഡ് മാനദണ്ഡങ്ങൾ അവഗണിച്ച് പൊതു ഇടങ്ങളിൽ മാസ്‌ക് ധരിക്കാതെ സഞ്ചരിച്ച 272 പേർക്കെതിരെ പൊലീസ് കേസെടുത്തു. മാസ്ക് ധരിക്കാതെ സഞ്ചരിക്കുന്നവരെ കണ്ടെത്താൻ നിയോഗിച്ച സ്പെഷ്യൽ ടാസ്ക് ഫോഴ്സാണ് ഇവർക്കെതിരെ നടപടിയെടുത്തത്. ലോക്ക് ഡൗൺ നിയന്ത്രണങ്ങൾ ലംഘിച്ചതിന് കൊല്ലം സിറ്റി, കൊല്ലം റൂറൽ പൊലീസ് ജില്ലകളിലായി 63 കേസുകൾ രജിസ്റ്റർ ചെയ്തു. കേസുകളിൽ 25 പേർ അറസ്റ്റിലായി. നവിയമ ലംഘനങ്ങൾക്ക് ഉപയോഗിച്ച 37 വാഹനങ്ങളും പൊലീസ് പിടിച്ചെടുത്തു. സാനിറ്റൈസർ, ഹാന്റ് വാഷ് കോർണർ, സാമൂഹിക അകലം എന്നിവ ഉറപ്പ് വരുത്താത പ്രവർത്തിച്ച വ്യാപാര സ്ഥാപനങ്ങൾക്കെതിരെയും നടപടി തുടരുകയാണ്.

 കൊല്ലം റൂറൽ, കൊല്ലം സിറ്റി

1. രജിസ്റ്റർ ചെയ്ത കേസുകൾ : 22, 41

2. അറസ്റ്റിലായവർ : 25, ഇല്ല

3. പിടിച്ചെടുത്ത വാഹനങ്ങൾ : 14, 23

4. മാസ്ക് ധരിക്കാത്തതിന് നടപടി : 187, 85