കൊതുകുകളില്ലാത്ത നാടുണ്ടോ?​ അങ്ങനെ ചോദിച്ചാൽ ഉണ്ട്. പേരിന് പോലും ഒറ്റ കൊതുകിനേം കാണാൻ കിട്ടില്ല. ഇന്ത്യയുടെ അയൽവാസിയായ ചൈനയിൽ തന്നെയാണ് ഈ അത്ഭുത നാടുള്ളത്. മരങ്ങളും കുളങ്ങളും ചെറിയ തടാകങ്ങളും നിറഞ്ഞ ഒരു ചെറിയ ചൈനീസ് പട്ടണമാണ് ഡിംഗ് വൂളിംഗ്. ഇവിടെ എല്ലാ രീതിയിലും കൊതുകുകൾക്ക് താമസിക്കാൻ പറ്റിയ കാലാവസ്ഥയായിരുന്നിട്ടും ഒരു കൊതുകു പോലുമില്ല എന്നതാണ് പ്രത്യേകത.

എങ്ങിനെയാണ് ഇത് സംഭവിച്ചത് എന്നത് ആർക്കുമറിയില്ല. തവളയുടെ രൂപത്തിലുള്ള ഒരു കല്ലിനെയാണ് തങ്ങൾ ആരാധിക്കുന്നതെന്നും, ഇതിനാലാണ് ആ പ്രദേശത്തെ കൊതുകുരഹിതമാക്കുന്നതെന്നുമാണ് പ്രദേശവാസികൾ വിശ്വസിച്ചു വരുന്നത്.

നമ്മുടെ സമുദ്രനിരപ്പിൽ നിന്ന് ഏകദേശം 700 മീറ്റർ ഉയരത്തിൽ സ്ഥിതിചെയ്യുന്ന അവിടെ ന്യൂനപക്ഷ ഗോത്രമായ ഹാക്കവംശജരാണ് കൂടുതലായി താമസിക്കുന്നത്. ഇതുപോലെ , ലോകത്തിൽ കൊതുകുകളില്ലാത്ത ഒരു രാജ്യമാണ് മഞ്ഞുമൂടികിടക്കുന്ന ഐസ്‌ലാൻഡ്.

തങ്ങളുടെ അയൽരാജ്യങ്ങളായ നോർവേ, ഡെൻമാർക്ക്, സ്‌കോട്ട്‌ലൻഡ്, ഗ്രീൻലാൻഡ് എന്നിവിടങ്ങളിൽ എല്ലായിടത്തും കൊതുകുകൾ വളരുമെങ്കിലും, ഐസ്‌ലാൻഡിൽ കൊതുകുകൾ വളരില്ല. അതിന്റെ കാരണം അവിടുത്തെ കാലാവസ്ഥയിലുള്ള പ്രത്യേകതയാണ്. ഇവിടെ വർഷത്തിൽ മൂന്ന് തവണ മഞ്ഞുറയുകയും ഉരുകുകയും ചെയ്യുന്നു. അതുമൂലം കൊതുകുകളുടെ നിലനിൽപ്പിനെ അസാധ്യമാക്കുന്നു. നിലവിൽ ഐസ്‌ലാൻഡിൽ ഒരേ ഒരു കൊതുക് മാത്രമേ ഇപ്പോൾ അവശേഷിക്കുന്നുള്ളൂ.

ആ കൊതുകിനെ ഐസ്‌ലാൻഡിക് ഇൻസ്റ്റിറ്റ്യൂട്ട് ഓഫ് നാച്ചുറൽ ഹിസ്റ്ററിയിൽ ആൽക്കഹോൾ നിറച്ച ഒരു കുപ്പിയിലാണ് സൂക്ഷിച്ചിരിക്കുന്നത്. 1980 ൽ ഐസ്‍ലാൻഡ് യൂണിവേഴ്സിറ്റിയിലെ ബയോളജിസ്റ്റ് ജിസ്ലി മാർ ഗിസ്ലസനാണ് ഒരു വിമാനത്തിനുള്ളിൽ നിന്ന് കൊതുകിനെ പിടിച്ച് ഇവിടെ കൊണ്ടുവന്നത്. ഡിംഗ് വൂളിംഗിലെ വീടുകളൊക്കെ കല്ലുകൊണ്ട് നിർമ്മിച്ചവയാണ്. ആ പേരിലാണ് മനോഹരമായ ഈ നാട് മുൻപ് അറിയപ്പെട്ടിരുന്നത്.എന്നാൽ ഇപ്പോൾ കൊതുകുകളില്ലാത്തതിന്റെ പേരിലാണ് അറിയപ്പെടുന്നത്..