 11 പേർക്ക് രോഗമുക്തി

കൊല്ലം: ജില്ലയിൽ ഇന്നലെ നാലുപേർക്ക് കൊവിഡ് സ്ഥിരീകരിച്ചെങ്കിലും ആശ്വാസമായി പതിന്നാല് പേർ രോഗമുക്തരായി. ഇതോടെ ജില്ലയിലെ കൊവിഡ് ബാധിതരുടെ എണ്ണം 88 ആയി കുറഞ്ഞു.
ഇന്നലെ രോഗം സ്ഥിരീകരിച്ചവരെല്ലാം വിദേശത്ത് നിന്ന് എത്തിയവരാണ്. സൗദിയിൽ നിന്ന് ജൂൺ 13 ന് എത്തിയ തട്ടാമല സ്വദേശി (45), ജൂൺ 12 ന് കുവൈറ്റിൽ നിന്നുമെത്തിയ 53 കാരനായ നീണ്ടകര സ്വദേശി, കുവൈറ്റിൽ നിന്നുമെത്തിയ 49 കാരനായ കുഴിമതിക്കാട് സ്വദേശി, ജൂൺ ഒൻപതിന് ഖത്തറിൽ നിന്ന് എത്തിയ ഇളമാട് സ്വദേശിയായ 39 കാരൻ എന്നിവർക്കാണ് കൊവിഡ് സ്ഥിരീകരിച്ചത്. ഇളമാട് സ്വദേശിയെ പാരിപ്പള്ളി സർക്കാർ മെഡിക്കൽ കോളേജ് ആശുപത്രിയിലും നീണ്ടകര, കുഴിമതിക്കാട് സ്വദേശികളെ എറണാകുളം കളമശേരി മെഡിക്കൽ കോളേജിലും തട്ടാമല സ്വദേശിയെ കാരംകോണം മെഡിക്കൽ കോളേജ് ആശുപത്രിയിലും പ്രവേശിപ്പിച്ചു.
ജൂൺ 6ന് രോഗം സ്ഥിരീകരിച്ച ചിതറ സ്വദേശിനി (20), കരുനാഗപ്പള്ളി സ്വദേശിനി (19), മുണ്ടയ്ക്കൽ സ്വദേശി (32), കാവനാട് സ്വദേശി (31), പുനലൂർ സ്വദേശി (39), ശാസ്താംകോട്ട സ്വദേശിനി (64), എഴുകോൺ കൈതക്കോട് സ്വദേശിനി (30), ജൂൺ ഏഴിന് രോഗം സ്ഥിരീകരിച്ചവരായ വെട്ടിക്കവല സ്വദേശി (29), കല്ലുവാതുക്കൽ സ്വദേശികളായ 51, 42 വയസുള്ളവർ, പത്തനാപുരം സ്വദേശിനി (42) എന്നിവരാണ് രോഗമുക്തരായി ആശുപത്രി വിട്ടത്. ഇവരെല്ലാം പാരിപ്പള്ളി സർക്കാർ മെഡിക്കൽ കോളേജ് ആശുപത്രിയിൽ ചികിത്സയിലായിരുന്നു.