കുന്നത്തൂർ: മൊ​ബൈൽ ട​വ​റി​ന് മു​ക​ളിൽ ക​യ​റി ആ​ത്മ​ഹ​ത്യാ ഭീ​ഷ​ണി മു​ഴ​ക്കി​യ യു​വാ​വിനെ ആ​റു മ​ണിക്കൂ​റി​ന് ശേ​ഷം അ​നു​ന​യി​പ്പി​ച്ച് താ​ഴെ​യി​റ​ക്കി. ഭ​ര​ണി​ക്കാ​വി​ന് സ​മീ​പ​ത്തെ ലീ​ഗൽ മെ​ട്രോ​ള​ജി ഓ​ഫീ​സ് വ​ള​പ്പി​ലെ മൊ​ബൈൽ ട​വ​റിൽ രാ​വി​ലെ 8.30 ഓ​ടെ​യാ​ണ് സ​മീ​പ​വാ​സി​യാ​യ ദി​നേ​ഷ് (30) ക​യ​റി​യ​ത്.

അ​മി​ത മ​ദ്യ​പാ​നം കാ​ര​ണം മാ​ന​സി​കാ​സ്വാസ്ഥ്യം പ്ര​ക​ടി​പ്പി​ക്കാ​റു​ണ്ടാ​യി​രു​ന്ന യു​വാ​വ് കു​റ​ച്ച് നാ​ളു​ക​ളാ​യി തി​രു​വ​നന്തപു​രം മെ​ഡി​ക്കൽ കോ​ളേ​ജ് ആശുപത്രിയിൽ ചി​കി​ത്സ​യി​ലാ​യി​രു​ന്നു. വാർ​ക്ക​പ്പ​ണി​ക്കാ​ര​നാ​യ ദി​നേ​ശ് രാ​വി​ലെ ജോ​ലി​​ക്കാ​യി വ​സ്​ത്ര​ങ്ങ​ള​ട​ങ്ങി​യ ബാ​ഗു​മാ​യി വീ​ട്ടിൽ നി​ന്നിറങ്ങിയതാണ്. ഇതിനിടെ മ​തിൽ ചാ​ടിക്ക​ട​ന്ന് ട​വ​റി​ന് മു​ക​ളിൽ ക​യ​റി ഭീ​ഷ​ണി മു​ഴ​ക്കു​ക​യാ​യി​രു​ന്നു. വി​വ​രം അ​റി​ഞ്ഞെ​ത്തി​യ ശാ​സ്​താം​കോ​ട്ട പൊ​ലീ​സും ഫ​യർ​ഫോ​ഴ്‌​സും ബ​ന്ധു​ക്ക​ളെ ട​വ​റി​ന് മു​ക​ളി​ലെ​ത്തി​ച്ച് അ​നു​ന​യി​പ്പി​ക്കാൻ ശ്ര​മി​ച്ചെ​ങ്കി​ലും ഫ​ലം ക​ണ്ടി​ല്ല.
ഫ​യർഫോ​ഴ്‌​സ് ഉ​ദ്യോ​ഗ​സ്ഥർ മു​ക​ളി​ലേ​ക്ക് ക​യ​റി​യെ​ങ്കി​ലും യു​വാ​വി​ന്റെ ഭീ​ഷ​ണി​യെ തു​ടർ​ന്ന് ഇ​വ​രും പിന്തിരിഞ്ഞു. കൂടിനിൽക്കുന്നവരെ മാറ്റിയാൽ താഴെയിറങ്ങാമെന്ന് യുവാവ് അറിയിച്ചതിനെ തുടർന്ന് പൊലീസ് എല്ലാരെയും സ്ഥലത്ത് നിന്ന് മാറ്റിയെങ്കിലും യുവാവ് താഴെയിറങ്ങിയില്ല. ഒ​ടു​വിൽ ഉ​ച്ച​യ്​ക്ക് 2.30 ഓ​ടെ യു​വാ​വ് സ്വയം താ​ഴേ​ക്കി​റ​ങ്ങുകയായി​രു​ന്നു. യു​വാ​വി​നെ ആ​ശു​പ​ത്രി​യി​ലേ​ക്ക് മാ​റ്റി.