കൊല്ലം: ഭാര്യയെ കൊടുവാളിന് വെട്ടിക്കൊലപ്പെടുത്താൻ ശ്രമിച്ച ഭർത്താവ് അറസ്റ്റിൽ. ചടയമംഗലം വെട്ടിക്കാവ് അഞ്ജനാഭവനിൽ കുട്ടപ്പനെയാണ്(51) ചടയമംഗലം പൊലീസ് അറസ്റ്റ് ചെയ്തത്. പതിവായി മദ്യപിക്കുന്നയാളാണ് കുട്ടപ്പൻ. വീട്ടിൽ മദ്യലഹരിയിലെത്തി ഭാര്യ അംബികയുമായി വഴക്കുണ്ടാക്കി. തുടർന്ന് അടുക്കളയിൽ കടന്ന് കൊടുവാളുമായെത്തി വീട്ടുമുറ്റത്തുവച്ച് അംബികയുടെ തലയ്ക്കും കൈയ്ക്കും വെട്ടി. സാരമായി പരിക്കേറ്റ അംബികയെ ആശുപത്രിയിൽ പ്രവേശിപ്പിച്ചു. ചടയമംഗലം എസ്.ഐ. ശരലാൽ, എ.എസ്.ഐമായ. സുധാകരൻ, അനിൽ, സലീം എന്നിവരടങ്ങിയ സംഘമാണ് അറസ്റ്റ് ചെയ്തത്.