കൊട്ടാരക്കര: ടൈൽസ് പണിക്കിടെ ഗ്രൈൻഡറിൽ നിന്ന് ഷോക്കേറ്റ് യുവാവ് മരിച്ചു. കോട്ടാത്തല പത്തടി തടത്തിൽ ഭാഗം ആറുമുറി തെക്കതിൽ വീട്ടിൽ വിശ്വനാഥൻ ആചാരിയുടെയും മണിഅമ്മയുടെയും മകൻ സന്തോഷാണ് (38) മരിച്ചത്. രാവിലെ പത്തോടെ കൊട്ടാരക്കര പുലമണിൽ ഐ മാളിന് സമീപമുള്ള ഒരു വീട്ടിൽ ടൈൽസ് പണിക്കിടെയാണ് ഷോക്കേറ്റത്. ഉടൻ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ഭാര്യ: ശുഭ. മക്കൾ: സൂരജ്, ശ്രീരാജ്.